Baramati News : बारामतीतील माळेगाव सहकारी साखर कारखान्याच्या निवडणुकीचा निकाल आता समोर येत आहे.उपमुख्यमंत्री अजित पवार यांच्या नेतृत्वाखालील निळकंठेश्वर पॅनलला विजयी आघाडी मिळाली आहे. अजितदादांच्या पॅनलचे 21 पैकी 12 उमेदवार विजयी झाले आहेत.तसेच या निवडणुकीत कारखान्याचे माजी अध्यक्ष रंजन तावरेंचा धक्कादायक पराभव झाला आहे. अशातच आता अजित पवारांनी माळेगाव निवडणुकीबाबत सर्वात मोठा गौप्यस्फोट केला आहे.
उपमुख्यमंत्री अजित पवारांनी (Ajit Pawar) माध्यमांशी संवाद साधला. यावेळी त्यांनी या निवडणुकीबाबत मोठा दावा केला. ते म्हणाले,माळेगाव कारखाना निवडणुकीत एकत्र येण्याबाबत दोन्ही राष्ट्रवादींमध्ये चर्चा झाली होती. शरद पवारांच्या राष्ट्रवादीकडून अॅड.एस.एन जगताप यांनी आपल्याशी दोन ते तीनवेळा एकत्रित लढण्याबाबत चर्चा केल्याची माहिती अजितदादांनी दिली.
मात्र,अजित पवारांनी यावेळी शरद पवार किंवा त्यांच्या पक्षातील कोणत्याही वरिष्ठ नेत्यानं आपल्याशी चर्चा केली नसल्याचं स्पष्ट केलं. पण याचदरम्यान,त्यांनी माळेगावच्या निवडणुकीत दोन्ही राष्ट्रवादी एकत्र लढण्याची चर्चा सुरू असताना ती का फिस्कटली,त्यामागच्या कारणांवर अधिक भाष्य करणं टाळलं.
माळेगाव साखर कारखाना या निवडणुकीत अजित पवारांचे निळकंठेश्वर पॅनल,शरद पवारांच्या नेतृत्वाखालील बळीराजा सहकार बचाव पॅनल, भाजप नेते चंद्रराव तावरे-रंजन तावरे यांचे सहकार बचाव शेतकरी पॅनल आणि कष्टकरी शेतकरी समिती, अपक्षांचे एक पॅनल अशी चार पॅनल निवडणुकीच्या मैदानात उतरल्यानं सर्वांचेच लक्ष निकालाकडे लागले आहेत.
अजित पवार माळेगाव कारखान्याच्या (Malegaon Sugar Factory) निकालावर प्रतिक्रिया देताना म्हणाले, ‘आता सगळे फोटो,परिसर बघून घे, आणि एक वर्षाने पुन्हा माझ्याकडे ये कारखाना बघायला. मी भावपण चांगला देतो. मला स्वच्छतेची नीटनेटकेपणाची, बारीकसारीक गोष्टी पाहायची आवड आहे. प्रत्येकाला वेगवेगळ्या आवडी असू शकतात.’ अजितदादा बोलले म्हणजे ते काम होणारच,असंही त्यांनी यावेळी म्हटलं.
माळेगाव साखर कारखाना निवडणुकीच्या प्रचारात अजित पवार यांनी कारखान्याला 500 कोटी रुपयांची आर्थिक मदत देण्याचे आश्वासन दिले होते, ज्याचा परिणाम मतदानावर पाहायला मिळत आहे. आतापर्यंतची परिस्थिती लक्षात घेता अजित पवार यांच्या पॅनलला मोठे यश मिळणार असल्याचे दिसत आहे.
माळेगाव सहकारी साखर कारखान्याची मतमोजणी अत्यंत संथ गतीने सुरू आहे. मंगळवारी सकाळी सुरू झालेली मतमोजणी बुधवारी दुपारनंतरही सुरूच आहे. दुपारी दोनपर्यंत जाहीर झालेल्या माळेगाव सहकारी साखर कारखान्याच्या सर्व जागांवर अजित पवार यांच्या नीलकंठेश्वर पॅनेलचे उमेदवार विजयी झाले आहेत. माजी अध्यक्ष चंद्रराव तावरे यांचा अपवाद वगळता उर्वरीत उमेदवारही आघाडीवर आहे. त्यामुळे अजित पवारांचा पॅनेल 21 पैकी 18 ते 20 जागा विजय मिळवण्याची अंदाज वर्तविण्यात येत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.