President of Pune Jilha Dudh Sangh: अजितदादांची पसंती भगवान पासलकरांना; कात्रज डेअरीचे अध्यक्षपद प्रथमच दुर्गम वेल्ह्याला

Katraj Dairy News : पुणे जिल्हा सहकारी दूध उप्तादक संघाच्या (कात्रज डेअरी) अध्यक्षपदी दुर्गम समजल्या जाणाऱ्या वेल्हे तालुक्यातील ज्येष्ठ संचालक भगवान पासलकर यांची बिनविरोध निवड करण्यात आली. पासलकर यांच्या रुपाने वेल्हे तालुक्यातला प्रथमच कात्रज डेअरीच्या अध्यक्षपदाचा मान मिळाला आहे. (Bhagwan Pasalkar was elected unopposed President of Pune Jillha Dudh Sangh )

पुणे (Pune) जिल्हा सहकारी दूध उत्पादक संघाच्या (Dudh Sangh) एकूण १६ संचालकांपैकी तब्बल ८ जण इच्छूक असल्याने कात्रज डेअरी (Katraj Dairy) अध्यक्षपदाच्या निवडीच्या निमित्ताने विरोधी पक्षनेते अजित पवार यांची कसोटी लागली होती. मात्र, पवार यांनी ९ तारखेला सर्व इच्छुकांच्या मुलाखती घेऊन त्यातून पासलकर यांना संधी दिली आहे.

पुणे जिल्हा दुध उप्तादक संघाच्या अध्यक्षपदाचा केशरताई सदाशिवराव पवार यांनी महिनाभरापूर्वी राजीनामा दिला होता. अध्यक्षपदावर कुणाची वर्णी लागणार, याची उत्सुकता संपूर्ण पुणे जिल्ह्याला लागली होती. अनेक इच्छुकांच्या मागे त्या-त्या तालुक्यातील आमदार उभे राहिल्याने त्यांचाही आग्रह राष्ट्रवादी पक्षाला दूर्लक्षन चालणार नव्हते.

पुण्यातील बारामती होस्टेलवर अजित पवार यांनी इच्छुकांच्या मुलाखी घेतल्या, त्यानंतर त्यांनी आज भगवान पासलकर यांची निवड जाहीर केली आहे. पासलकर यांच्या रुपाने बारामती लोकसभा मतदारसंघात दूध संघाचे अध्यक्षपद राहिले आहे.

दम्यान, आज सकाळी ११ वाजता सुरू झालेल्या अध्यक्षपदाच्या निवड प्रक्रियेत पक्षादेश आणून वेल्हे तालुक्यातील ज्येष्ठ संचालक भगवान पासलकर यांचे नाव पुढे आहे. अध्यक्षपदासाठी पासलकर यांचा एकमेव अर्ज आल्याने निवडणूक निर्णय अधिकाऱ्यांनी त्याचं निवड जाहीर केली. पासलकर हे वेल्हे तालुक्यातील कात्रज संघाचे पहिले अध्यक्ष ठरले आहेत. ही निवड अत्यंत खेळीमेळीच्या वातावरणात पार पडल्याची माहिती कात्रज प्रशासनच्या वतीने देण्यात आली.