Pimpri News : पुणे आणि पिंपरी-चिंचवडमध्ये भाजप आणि राष्ट्रवादी काँग्रेस वेगळे लढतील असे मुख्यमंत्री देवेंद्र फडणवीस यांनी नुकतेच जाहीर केले. यानंतर ताकदवान उमेदवारांना आपल्याकडे असावेत, यासाठी दोन्ही पक्षांचे प्रयत्न सुरु आहेत. त्यातच अजित पवारांनी दोन दिवसांपासून पिंपरी चिंचवडमध्ये पक्ष प्रवेशाचा धडाका लावला आहे.
यात राष्ट्रवादी काँग्रेस शरदचंद्र पवार पक्षाचे नेते आणि माजी नगरसेवक राहुल कलाटे यांचीही पक्ष प्रवेशासाठी मनधरणी केल्याची चर्चा होती. मात्र, कलाटेंनी मुख्यमंत्री देवेंद्र फडणवीस (Devendra Fadnavis) यांच्यासह भाजपाच्या वरिष्ठ नेत्यांसोबत बैठका केल्याने त्यांनी राजकीय मार्ग निश्चित केल्याचे बोलले जाते. कलाटे हे भारतीय जनता पक्षात प्रवेश करणार असल्याची जोरदार चर्चा सध्या शहरात सुरू आहे.
विश्वसनीय सूत्रांच्या माहितीनुसार, गुरुवारी (18 डिसेंबर) मुंबई येथे भाजप प्रदेशाध्यक्ष रवींद्र चव्हाण, मंत्री चंद्रकांतदादा पाटील, केंद्रीय मंत्री मुरलीधर मोहोळ यांच्या प्रमुख उपस्थितीत राहुल कलाटे यांचा भाजप (BJP) पक्षप्रवेश होणार आहे. या प्रवेशामुळे पिंपरी चिंचवडमधील राजकीय समीकरणांमध्ये मोठा बदल घडणार असल्याचे मानले जात आहे.
याबाबत विचारणा केल्यावर राहुल कलाटे यांनी स्पष्ट उत्तर देण्याचे टाळले. तथापि, त्यांनी “तुमच्या मनात जे आहे तेच होईल!” असे सूचक विधान केले आहे. दरम्यान, कार्यरत असलेला विरोधी गटातील एक प्रभावशाली नेता भाजपात प्रवेश करणार असल्याने मुख्यमंत्री देवेंद्र फडणवीस यांनी पिंपरी चिंचवडमधील सर्वात मोठा विरोधक आपल्या बाजूला वळवला असल्याची चर्चा आता शहरात रंगली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.