pune bjp Candidate List UpdateSarkarnama

BJP Dynasticism : भाजपमध्ये 'घराणेशाही', पुणे महापालिका निवडणुकीच्या रिंगणात राजकीय नेत्यांची मुलं! टिळक, मुळीक, मिसाळ, बापट, कांबळेंकडून 'फिल्डींग'?

BJP PMC Election : आगामी महापालिका निवडणुकीत सर्वाच पक्षांकडून घराणेशाही जपण्याचे काम करण्यात येत असल्याचा आरोप होत आहे. आमदार, माजी नगरसेवक यांची मुलं निवडणुकीच्या मैदानात उतरण्यासाठी सज्ज असल्याची चर्चा आहे.

Published on:

18 Dec 2025, 9:47 am IST

Pune News : महापालिका निवडणुका जाहीर झाल्यानंतर आता सर्वच राजकीय पक्षांनी उमेदवार निश्चित करण्यासाठी बैठकांचे सत्र सुरू केले आहे. निवडणूक जाहीर होण्यापूर्वीच बहुतांश पक्षांनी इच्छुकांचे उमेदवारी अर्ज मागवले होते तसेच इच्छुकांच्या मुलाखतीही पूर्ण केल्या आहेत.

उमेदवारी निश्चितीसाठी वरिष्ठ पातळीवरच्या बैठकांना सुरुवात झाली असून या बैठकांमध्ये अंतिम याद्या निश्चित करण्याचे काम सुरू झाले आहे. इलेक्टिव्ह मेरिटच्या आधारावर ही यादी फायनल केली जात आहे. आता या वरिष्ठांच्या निर्णयाकडे सर्व इच्छुकांच्या नजरा लागल्या आहेत. मात्र त्यापूर्वी भावी नगरसेवकांनी जोरदार लॉबिंग सुरू केली आहे.

विशेष म्हणजे भाजपकडून 16 नेत्यांची मुलं यंदा निवडणुकीच्या रिंगणात उतरण्यासाठी सज्ज झाल्याची माहिती आहे. विशेष म्हणजे या 16 पैकी 12 जण हे मूळ भाजपचेच आहेत. त्यामुळे भाजपवर देखील घराणेशाहीचा आरोप करण्यात येत आहे.

पुण्यातील 41 प्रभागांमधून एकूण 165 नगरसेवक निवडून येणार आहेत, पण यातही नेत्यांच्या आवडत्या व्यक्तींनाच तिकीट मिळण्याची शक्यता जास्त असल्याने, सामान्य कार्यकर्त्यांना फक्त प्रचाराची धुरा सांभाळण्याचंच काम करावं लागतं का? असा रोषपूर्ण प्रश्न सर्वच राजकीय पक्षांतील कार्यकर्ते उपस्थित करीत आहेत.

Manikrao Kokate Resign : अजित पवारांना मोठा धक्का, ऐन निवडणुकीच्या तोंडावर मंत्र्याचा राजीनामा; अटकही निश्चित