Pune News : मृत वैष्णवी यांच्या शरीरावर मारहाणीच्या खुणा आढळून आल्या आहेत. त्यावरुन वैष्णवीचा खून झाल्याचा संशय वडिलांनी व्यक्त केला आहे. शवविच्छेदनानंतर मूत्यूचे कारण गळ्याभोवती व्रण असून, शरीरावर अनेक ठिकाणी मारहाणीच्या जखमांचे पुरावे आढळले आहेत. रासायनिक विश्लेषणासाठी व्हिसेरा राखून ठेवण्यात आला आहे. शवविच्छेदन अहवालानुसार पुढील तपास करण्यात येणार आहे.
पोलिस पंचनाम्यानुसार जखमांचे वर्णन पाहता वैष्णवी हगवणे (Vaishnavi Hagawane) यांना वेगवेगळ्या हत्यारांनी मारहाण केल्याचे दिसून येत आहे. त्यापैकी एक प्लॅस्टिक पाइप जप्त करण्यात आला आहे. विवाहितेचा पैशांसाठी छळ केला, तसेच इतर आरोपींनीही तिला मारहाण केली असून, त्याबाबत तपास करण्यात येणार आहे.
लग्नात हुंडा म्हणून दिलेली फॉर्च्यूनर कार आणि दुचाकी जप्त केली आहे. लग्नात माहेरहून वैष्णवीला स्त्रीधन म्हणून दिलेले 51 तोळे सोने आरोपींनी बँकेत तारण म्हणून ठेवले आहे. त्यासाठी वैष्णवी यांची परवानगी घेतली होती का, सोने तारण ठेवण्यामागे आरोपींचा काय उद्देश होता.
आरोपी राजेंद्र हगवणेच्या मुळशी तालुक्यातील भुकूम येथील कार्यालयाचे इंटेरियर डिझाईनचे काम महेश परांडे यांनी केले असून, त्याचे पैसे • आरोपींनी फिर्यादीला देण्यास भाग पाडल्याचा संशय आहे.
गुन्हा केल्यानंतर आरोपी सात दिवसांपासून फरार होते. या कालावधीत त्यांना कोणी मदत केली. पळून जाण्यासाठी कोणती वाहने वापरली. गुन्हा दाखल झाल्यानंतर ते कोठे राहत होते. या कालावधीत त्यांनी आणखी कोणता गुन्हा केला आहे काय? याची पोलिस तपास करत आहेत.
वैष्णवी हगवणेच्या आत्महत्ये प्रकरणात फरार झालेला राजेंद्र हगवणे आणि त्याचा पुत्र सुशील हगवणे यांना पोलिसांनी अटक केली आहे. या अटकेनंतर राजेंद्र हगवणे (Rajendra Hagawane) सात दिवस कोठे फरार होता याची नवनवीन माहिती समोर येत आहे. या माहितीमध्ये राजेंद्र हगवणे यांचे कर्नाटक कनेक्शन समोर आले आहे.
राजेंद्र हगवणे हे फरार झाल्यानंतर कोल्हापूरजवळ महाराष्ट्र आणि कर्नाटक सीमेवर असलेल्या हेरिटेज रिसाॅर्टमध्ये गेले होते. 19 ते 21 मे दरम्यान ते याच रिसाॅर्टमध्ये मुक्कामी होते. विशेष म्हणजे त्यांची येथे राहण्याची व्यवस्था कर्नाटकचे काँग्रेसचे माजी मंत्री वीरकुमार पाटील यांचा मुलगा प्रितम याने केली होती.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.