Sonali Gaikwad Death : मोशी कचरा दुर्घटनेतील मृत गणेश गायकवाडांच्या पत्नीचे टोकाचे पाऊल, जीवन संपवले!

PCMC News : एक महिन्यापूर्वी पिंपरी-चिंचवड महापालिकेच्या मोशी कचरा डेपो दुर्घटना घडली होती. यामध्ये 9 जणांच्या कचऱ्याच्या ढिगाऱ्याखाली अडकल्याने मृत्यू झाला होता. यामध्ये मृत्यू झालेल्या नागेश गायकवाड यांच्या पत्नीने टोकाचे पाऊल उचलले आहे.

बुधवारी सोनाली गायकवाड यांनी गळफास घेऊन आत्महत्या केल्याचे समोर आले आहे. वायसीएम रुग्णालयात त्यांच्या मृतदेहाचे शवविच्छेदन सुरू आहे. भोसरी एमआयडीसी पोलिसांनी या घटनेची अकास्मात मृत्यूची नोंद केल्याची माहिती आहे.

नागेश यांच्या निधनानंतर सोनाली या तणावात होत्या. त्यातून त्यांनी आत्महत्या केली असावी,असा प्राथमिक अंदाज आहे. त्यांच्या पश्चात त्यांच्या दोन मुली आहेत.बुधवारी रात्री सोनाली यांनी राहत्या घरात दुसऱ्या खोलीत गळफास घेतला.

त्यांच्या मुली दुसऱ्या खोलीत होत्या. मुली रडत असल्याचे लक्षात आल्यानंतर सोनाली यांचे दीर यांनी सोनाली यांना आवाज दिला. मात्र, त्या कुठलाही प्रतिसाद देत नसल्याने त्यांनी खोलीची दरवाजा उघडला. त्यावेळी सोनाली यांनी गळफास घेतल्याचे निदर्शनास आले.

8 जुलैला मोशीतील कचरा डोपमध्ये दुर्घटना घडली होती. त्यामध्ये गणेश गायकवाड यांचा मृत्यू झाला होता. त्यानंतर सोनाली या मानसिक तणावात होत्या असे सांगितले जात होते.