PUNE Gangwar News : पुण्यात राष्ट्रवादी काँग्रेसचे माजी नगरसेवक वनराज आंदेकरांवर गोळबार झाला आणि साम टीव्हीने दिलेल्या वृत्तानुसार यामध्ये त्यांचा मृत्यू झाल्याच्या माहिती समोर आली आहे. शहरातील नाना पेठेत रविवारी रात्री ही घटना घडल्याने एकच खळबळ उडाली आहे.
गोळीबाराच्या घटनेनंतर हल्लेखोर फरार झाले असून, पोलिस त्यांचा कसून शोध घेत आहेत. शहरात एकीकडे गणेशोत्सवाची धामधूम सुरू असताना, अशाप्रकारची गंभीर घटना घडल्याने एकच खळबळ उडाली आहे.
रास्ता पेठ रविवार पेठ प्रभाग क्रमांक 17 मधील राष्ट्रवादीचे माजी नगरसेवक वनराज आंदेकर यांच्यावर रविवारी रात्री सायंकाळी साडेआठच्या सुमारास अज्ञात हल्लेखोरांनी गोळीबार केला. रात्री साडेआठच्या सुमारास वनराज आंदेकर नानापेटीतील डोके तालीम परिसरात थांबले असता पाच ते सात अज्ञात हल्लेखोरांनी त्यांच्यावरती गोळीबार केला. पाच ते सहा गोळ्या त्याच्यावरती झाडण्यात आल्याची प्राथमिक माहिती मिळाली आहे.
हल्ल्याची माहिती मिळताच गुन्हे पुणे शाखेने घटनास्थळी धाव घेतली असून पूर्व वैमान्यातून हा हल्ला झाला असल्याचा प्राथमिक अंदाज पोलिसांकडून वर्तवण्यात येत आहे.यादरम्यानच्या काही काळ परिसरातील लाईट गायब झाल्याने नागरिकांमध्ये प्रचंड घबराट पसरली होती.
वनराज यांच्यावर वैमनस्यातून गोळीबार झाल्याची माहिती पोलिसांनी दिली. गोळीबारामागचे कारण समजू शकले नाही. वर्चस्वाच्या वादातून गोळीबार करण्यात आल्याची माहिती पोलिसांनी दिली. काही काळापासून नाना परिसरात आंदेकर टोळीचा दबदबा आहे. आणि याच वर्चस्व वादातून हल्ला झाल्या असल्याचं देखील बोललं जात आहे.
२०१७ सालच्या महापालिका निवडणुकीमध्ये राष्ट्रवादी काँग्रेसच्या तिकीटावर वनराज आंदेकर हे नगरसेवक म्हणून निवडून आले होते.
विशेष म्हणजे वनराज आंदेकर यांच्या मातोश्री राजश्री आंदेकर या देखील २००७ आणि २०१२ या दोन वेळा नगरसेविका होत्या. वनराज आंदेकर यांचे चुलते उदयकात आंदेकर हेही नगरसेवक होते. २०२० त्यांचं देखील अल्पश्या अजाराने निधन झाले आहे. त्यांच्या कुटुंबातील वत्सला आंदेकर यांनी पुणे शहराचा महापौरपद भुषविले आहे. १९९८-९९मध्ये पुणे महापालिकेच्या महापौर म्हणून निवडून आल्या होत्या.
(Edited by - Mayur Ratnaparkhe)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.