Pakistan Threat to USA: अमेरिकेसाठी पाकिस्तान हा सर्वात मोठा आण्विक धोका! USA च्या गुप्तचर विभागाकडं धक्कादायक माहिती

Pakistan Threat to USA: अमेरिकेसाठी पाकिस्तान हा सर्वात मोठा आण्विक धोका असल्याची खळबळजनक माहिती अमेरिकेच्याच गुप्तचर विभागाच्या प्रमुखानं दिली आहे. त्याचबरोबर त्यांनी रशिया, चीन, उत्तर कोरिया आणि इराणपासूनही अमेरिकेला आण्विक शस्त्रांचा धोका असल्याचं म्हटलं आहे. या देशांमुळं अमेरिकेच्या सुरक्षेला थेट आव्हान निर्माण होत असल्याचंही त्यांनी म्हटलं आहे.

नेमका विषय काय?

अमेरिकेच्या गुप्तचर विभागाच्या प्रमुख तुलसी गबार्ड यांनी जगाच्या सुरक्षेबाबत एक मोठा अलर्ट जाहीर केला आहे. त्यांनी स्पष्टपणे म्हटलंय की, पाकिस्तान हा त्या देशांमध्ये सामिल आहे, जे अमेरिकेसाठी सर्वाधिक अण्वस्त्र धोक्यांमध्ये गणले जातात. गबार्ड यांच्या या विधानानं आंतरराष्ट्रीय स्तरावर हालचाली वाढल्या आहेत. कारण त्यांचं हे विधान अशा वेळेस आलं आहे ज्यावेळी अमेरिका आधीच इस्रायलच्या मदतीनं इराणविरोधात लष्करी कारवाईत व्यस्त आहे.

तुलसी गबार्ड यांनी एका मिटींगमध्ये बोलताना म्हटलं की, पाकिस्तानशिवाय रशिया, चीन, उत्तर कोरिया आणि इराण देखील वेगानं अपले क्षेपणास्त्र व्यवस्था सक्षम करत आहे. हे देश नवे आणि अत्याधुनिक क्षेपणास्त्र विकसित करत आहेत. जे अण्वस्त्र आणि पारंपारिक दोन्ही प्रकारची शस्त्रांची वहन क्षमता आहे. या क्षेपणास्त्रांची झेप इतकी वाढली आहे की, आता अमेरिकेचा मुख्य भूमी देखील यांच्या रेंजच्या कक्षेत येत आहेत.

अण्वस्रांचा धोका वाढतोय?

गबार्ड यांनी पुढे म्हटलं की, या देशांच्या हालचालींवरुन वैश्विक सुरक्षेवर थेट परिणाम होतो. त्यांनी सांगितलं की, रशिया आणि चीन सातत्यानं आपली लष्करी ताकद वाढवत आहेत. तसंच उत्तर कोरिया देखील आपली आण्विक क्षमता मजबूत करत आहे. विशेष बाब ही आहे की, उत्तर कोरिया, रशिया आणि चीनसोबत आपले संबंध मजबूत करत आहेत. यामुळं अमेरिकेचा धोका वाढत आहे.