Trinamool Congress Split : ममता बॅनर्जींना मोठा धक्का! बंडखोर आमदारांनी उचलले मोठे पाऊल, तृणमूल काँग्रेसवर ताबा मिळवण्यासाठी 'हा' मोठा गेम प्लॅन!

kolkatta news : पश्चिम बंगालमध्ये तृणमूल काँग्रेसची सत्ता गेल्यापासून मोठ्या घडामोडी घडत आहेत. माजी मुख्यमंत्री ममता बॅनर्जींना दररोज धक्क्यावर धक्के बसत आहेत. त्यामुळे येथील राजकीय घडामोडीना वेग आला आहे. त्यातच काही दिवसांपूर्वी तृणमूल काँग्रेस पक्षात दोन गट पडले आहेत. दोन्ही गटाकडून पक्षावर दावा केला जात आहे. त्यातच आता मोठी राजकीय घडामोड घडली असून बंडखोर आमदारांनी कोलकात्यातील पक्षाच्या मुख्यालयावर ताबा मिळवला आहे. त्यामुळे ममता बॅनर्जींना मोठा धक्का बसला आहे. पक्षातील बंडखोर आमदारांनी तृणमूल काँग्रेसवरील दावा अधिक मजबूत करण्याचा प्रयत्न केला आहे.

पश्चिम बंगालमध्ये तृणमूल काँग्रेस (Trunmul congress) पक्षात दोन गट पडल्यानंतर बंडखोर आमदारांनी कोलकात्यातील पक्षाच्या मुख्यालयावर ताबा मिळवला आहे. या कार्यालयावर ताबा मिळवताना विरोधी पक्षनेते ऋतब्रत बॅनर्जी यांच्यासोबत फिरहाद हकीम, जावेद खान, संदीपन साहा आणि अखरुज्जमान उपस्थित होते.

विधानसभेतील विरोधी पक्षनेते ऋतब्रत बॅनर्जी आणि त्यांच्या समर्थकांनी पक्ष मुख्यालयात बैठक घेतली. यावेळी त्यांनी कार्यालयाचे कुलूपही बदलले आणि बाहेर लावलेले कटआउट्स हटवून नवीन कटआउट्स लावले. त्यामुळे या वेगवान घडामोडीमुळे पश्चिम बंगालमध्ये नेमके काय सुरु आहे. त्यानंतर बंडखोर गटाने यावेळी आपणच खरी तृणमूल काँग्रेस असल्याचा दावा केला आहे.

ममता बॅनर्जी (mamata banarji) यांच्या हातातून तृणमूल काँग्रेस निसटत चालली असल्याचे स्पष्ट होत आहे. पक्षाचे मुख्यालय कोलकात्यातील ईएम बायपास परिसरात आहे. मात्र, तेथे बांधकाम सुरू असल्यामुळे 2022 पासून पक्षाचे कामकाज मेट्रोपॉलिटन कार्यालयातून सुरू होते. सध्या पक्षातील नेते याच कार्यालयातून काम करत होते. मात्र, शुक्रवारी ऋतब्रत बॅनर्जी यांच्या नेतृत्वाखालील बंडखोर आमदारांनी या मुख्यालयावर ताबा मिळवला आहे. त्यामुळे आता त्यांच्या गटाचा पक्षावरील दावा आणखी बळकट झाला आहे.

विरोधी पक्षनेते ऋतब्रत बॅनर्जी म्हणाले की, ‘या इमारतीच्या मालकांसोबत आवश्यक करार पूर्ण झाले असून, आता येथूनच पक्षाचे कामकाज चालवले जाईल आणि हेच तृणमूल काँग्रेसचे अधिकृत मुख्यालय असेल. पक्षाचे नेते अखरुज्जमान यांनीही सांगितले, ‘आम्हीच खरी तृणमूल काँग्रेस आहोत आणि हे कार्यालयही तृणमूल काँग्रेसचेच आहे. या कार्यालयाशी पक्षाच्या भावना जोडलेल्या आहेत.’

तृणमूल काँग्रेसमधील दोन गटात पक्ष कार्यालयावरून वाद रंगणार

दरम्यान, बंडखोर आमदारांनी तृणमूल काँग्रेसच्या मुख्यालयावर ताबा मिळवल्यानंतर ममता बॅनर्जी यांच्या समर्थकांनी या घटनेचा निषेध केला. पक्षातून बडतर्फ करण्यात आलेल्या नेत्यांना मुख्यालयात येण्याचा कोणताही अधिकार नाही आणि त्यांनी अशा प्रकारचे कृत्य करू नये, असे या समर्थकांनी म्हटले आहे. त्यामुळे आता येत्या काळात तृणमूल काँग्रेसमधील दोन गटात पक्ष कार्यालयावरून वाद रंगणार असल्याचे दिसत आहे.