Kolhapur Politics : सतेज पाटलांना न सोसणारा हादरा; शारंगधर देशमुखांसह शिवसेनेत जाणाऱ्या यादीत अनेक मोठी नावं...

Kolhapur Politics : मागील काही दिवसांपासून चर्चेत असलेल्या काँग्रेसचे गटनेते शारंगधर देशमुख यांचा अखेर शिवसेनेत प्रवेश होत आहे. मुख्यमंत्री एकनाथ शिंदे आणि इतर नेत्यांच्या उपस्थितीत देशमुख यांच्यासह पक्षातील माजी नगरसेवक आणि पदाधिकारी असणार आहे. त्यांच्यासोबत शिवसेनेत कोण प्रवेश करणार याची सरकारनामाच्या हाती लागली आहे.

देशमुख यांच्यासह माजी महापौर निलोफर आजगेकर, प्रतिभा नाईकनवरे, माजी उपमहापौर दिंगबर फराकटे, प्रकाश नाईकनवरे, अभिजित चव्हाण, रीना कांबळे, तात्या खेडकर, गीता गुरव, अश्विनी बारामते, सचिन मोहिते (सुनंदा मोहिते), संभाजी जाधव, संगीता संजय सावंत, पूजा नाईकनवरे, रेखा पाटील, जहांगीर पंडत, भरत लोखंडे, रशीद बारगीर हे नेते शिवसेनेत प्रवेश करणार आहेत.

याशिवाय अभिजीत खतकर, किरण पाटील, इस्माईल बागवान, कुलदीप सावरतकर, अश्किन आजगेकर, अशपाक आजगेकर, विद्यार्थी काँग्रेस जिल्हाध्यक्ष पार्थ मुंडे, उपाध्यक्ष आशुतोष मगर, दक्षिण कार्याध्यक्ष विवेक भोसले, युवक काँग्रेस उपाध्यक्ष सुजय चव्हाण यांच्यासह काँग्रेसच्या काही युवा पदाधिकाऱ्यांचा समावेश आहे.

महाडिक गटालाही जोर का झटका :

महाडिक यांचे जवळचे नातेवाईक असलेल्या कदम यांनी विधानसभा निवडणुकीत शिवसेनेत प्रवेश केल्याने भाजपसह महाडिक गटाला धक्का होता. आता भाजप आणि ताराराणी आघाडीतील कदम समर्थक माजी नगरसेवक प्रवेश करणार असल्याचे खासदार धनंजय महाडिक, आमदार अमल महाडिक यांनाही हा धक्का मानला जात आहे. माजी नगरसेवक रमेश पुरेकर यांनी आठ दिवसांपूर्ती शिवसेनेत प्रवेश केला. त्यानंतर आज आणि दुसऱ्या टप्यात अनेकांचे पक्षप्रवेश होणार आहे.

शारंगधर देशमुखांनी सोडली सतेज पाटील यांची साथ :

शारंगधर देशमुख हे आमदार सतेज पाटील यांचे कट्टर समर्थक होते. ते जवळपास 10 वर्ष काँग्रेसचे गटनेते होते. आघाडी सांभाळण्याचे काम पाटील यांनी त्यांच्याकडे सोपविले होते. कोल्हापूर दक्षिणच्या राजकारणात एकप्रकारे आमदार सतेज पाटील यांचा डाव हात म्हणून शारंगधर देशमुख यांच्याकडेच पाहिले जात होते.

पण विधानसभा निवडणुकीत कोल्हापूर उत्तरमधून उमेदवारी डावलल्याने देशमुख यांनी काँग्रेसची साथ सोडून शिवसेनेत प्रवेश करण्याचा निर्णय घेतला होता. आज पालकमंत्री प्रकाश आबिटकर, आमदार राजेश क्षीरसागर, आमदार चंद्रदीप नरके, माजी खासदार संजय मंडलिक, सत्यजित कदम यांच्या उपस्थितीत शारंगधर देशमुख धनुष्य-बाण हाती घेणार आहेत. आमदार सतेज पाटील यांना हा मोठा धक्का मानला जातो.