Ajit Pawar Video : 'मी अजित आशाताई अनंतराव पवार...', उपमुख्यमंत्रिपदाची शपथ घेताच अजितदादांनी घडवला इतिहास!

Ajit Pawar News : उपमुख्यमंत्री म्हणून अजित पवार यांची आज शपथ घेत अनोखा विक्रम आपल्या नावावर केला. सर्वाधिक वेळा उपमुख्यमंत्री म्हणून अजित पवारांनी शपथ घेतली. ते सहाव्यांदा उपमुख्यमंत्री झाले आहे. 1991 मध्ये पहिल्यांदा बारामती विधानसभा मतदारसंघातून विजयी होऊन विधानसभेमध्ये गेले होते.

अजित पवार यांनी काँग्रेस-राष्ट्रवादी काँग्रेस सरकारच्या काळाता नोव्हेंबर 2010 ते सप्टेंबर 2012 या कालावधीमध्ये पहिल्यांदा उपमुख्यमंत्रिपद भूषवले होते.त्यानंतर पुन्हा ते ऑक्टोबर 2012 ते सप्टेंबर 2014 मध्ये आघाडी सरकारच्या काळात उपमुख्यमंत्रिपदी होते .

2019 मध्ये अजित पवार यांनी देवेंद्र फडणवीस यांच्यासोबत शपथ घेतली होती. मात्र, तीन दिवसांत त्यांनी फडणवीसांची साथ सोडून ते महाविकास आघाडीत आले होते. फडणवीसांच्यासोबत शपथ घेतल्यानंतर ते उपमुख्यमंत्री झाले होते. तसेच महाविकास आघाडी सरकारमध्ये देखील उपमुख्यमंत्री होते.

महायुतीमध्ये उपमुख्यमंत्री

महाविकास आघाडी सरकार कोसळल्यानंतर एकनाथ शिंदे मुख्यमंत्री झाले तर देवेंद्र फडणवीस उपमुख्यमंत्री झाले. नंतर अजित पवारसुद्धा या मंत्रिमंडळामध्ये सहभागी झाले. अजित पवार हे महायुतीच्या सरकारमध्ये जुलै 2023 ते नोव्हेंबर 2024 या कालावधीमध्ये उपमुख्यमंत्री होते. या सरकारमध्ये सहभागी होते अजित पवार पाचव्यांदा उपमुख्यमंत्री झाले होते.