Narayan Rane News : नगरपंचायत निवडणुकीमध्ये भाजपने स्वबळाचा नारा दिल्याचे चित्र आहे. तळकोकणात राणे कुटुंब पुन्हा आपली ताकद दाखवण्यासाठी सज्ज झाले आहे. त्यातच कणकवली राणेंच्या नेतृत्वाखाली नगरपंचायतीमध्ये भाजपने स्वबळावर लढण्याची तयारी सुरु केली आहे.
17 पैकी तब्बल 14 जागांवर उमेदवार निश्चित केले आहे. त्यामुळे भाजपच्या विरोधात एकनाथ शिंदेंची शिवसेना, शिवसेना उद्धव बाळासाहेब ठाकरे आणि राष्ट्रवादी काँग्रेस शरदचंद्र पवार पक्ष एकत्र येण्याच्या हालचाली सुरू झाल्या आहेत.
दोन्ही शिवसेना एकत्र आल्यास भाजपला कणकवलीची निवडणूक जड जाण्याची शक्यता आहे. त्यातच दोन्ही शिवसेना एकत्र येऊ नये म्हणून नारायण राणेंनी हालचाली सुरू केली आहे. नारायण राणे यांनी एकनाथ शिंदेंची नाव घेत थेट इशारा दिला की आम्ही शिवसेनेशी संबंध ठेवणार नाही.
नारायण राणेंच्या इशाऱ्यानंतर मंत्री उदय सामंत म्हणाले, भाजपसोबत युती होणार असेल तर मी मिठाचा खडा पडू देणार नाही. युती झाली नाही तर 'शिंदे शिवसेना' म्हणून आम्ही स्वतंत्र लढून जिल्ह्यात भगवा फडकवू.
'कुणाला तरी स्वबळावर निवडणूक लढावावी, असे वाटते म्हणून स्वबळावर निवडणूक स्वतंत्र लढवल्या जाणार नाहीत. एक दोन दिवसांत निर्णय होईल. भाजप-शिवसेना युती व्हावी, असे माझे मत आहे. मी असे पर्यंत राणे कुटुंबात वाद होऊ देणार नाही.', असे देखील त्यांनी सांगितले.
कणकवलीमध्ये दोन्ही शिवसेना एकत्र येणार असल्याबाबत पत्रकारांनी नारायण राणे यांना विचारले असता ते म्हणाले, 'पालिका निवडणुकीत दोन्ही शिवसेनेत युती झाली तर उपमुख्यमंत्री एकनाथ शिंदे यांच्या शिवसेनेशी रत्नागिरी आणि सिंधुदुर्गातील संबंध आम्ही तोडून टाकू.', असे इशारा नारायण राणेंनी दिला
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.