Raigad News : रायगड जिल्ह्याच्या पालकमंत्रिपदाचा तिढा अद्याप कायम आहे. गेल्या काही महिन्यांपासून पालकमंत्रिपदाचा प्रश्न निकाली निघालेला नाही. यावरून एकनाथ शिंदे यांची शिवसेना आणि अजित पवार यांच्या राष्ट्रवादीत सध्या जोरदार रस्सीखेच होताना दिसत आहे. अशातच आता माजी आमदार अनिकेत तटकरे यांनी आदिती तटकरे यांचा केलेल्या उल्लेखावरून वाद निर्माण झाला असून मंत्री भरत गोगावले यांनी पालकमंत्रिपदावरून मोठं भाष्य केलं आहे. यामुळे पालकमंत्रिपदाचा वाद पुन्हा चिघळण्याची शक्यता आहे. (raigad guardian minister dispute Aniket Tatkare vs Bharat Gogawale)
गेल्या ६ महिन्यांपासून रायगडला पालकमंत्री मिळालेला नसून भरत गोगावले आणि आदिती तटकरे यांच्यात यावरून शीतयुद्ध सुरू झाले आहे. ते काही शांत होताना दिसत नाही. तर रायगडच्या पालकमंत्रिपदाचाही तिढा काही सुटताना दिसत नाही. रायगडच्या पालकमंत्रिपदाचा वाद चव्हाट्यावर आला असतानाच राष्ट्रवादी काँग्रेस पक्षाचे प्रदेशाध्यक्ष सुनील तटकरे यांचे पूत्र तथा माजी आमदार अनिकेत तटकरे यांच्या वक्तव्यामुळे वाद निर्माण झाला आहे.
अनिकेत तटकरे यांनी आदिती तटकरे यांचा उल्लेख मनातला पालकमंत्री असा केला आहे. यावरूनच नवा वाद सुरू झाला आहे. या उल्लेखावरून गोगावले यांनी पलटवार करताना, त्या मनातल्या मग आम्हीही मनातीलच आहोत. कोणी काहीही म्हणो... रायगड जिल्ह्याच्या मनातला पालकमंत्री भरतशेठ असल्याचा टोला लगावला आहे.
कोणी काहीही म्हणो, काहीही करो... मुख्यमंत्री असो किंवा उपमुख्यमंत्री जिल्ह्याचा विकास कधीही थांबवत नाहीत. परंतू जनतेसमोर काही ना काही तरी त्यांना सांगावं लागतं. आता कोण तर म्हणतं आम्ही मनातले आहोत. मग आम्ही काय ध्यानातले आहोत? आम्ही पण मनातलेच आहोत.
जिल्ह्याचा विचार केल्यास किमान 75 टक्के जनतेच्या मनात भरतशेठ हेच पालकमंत्री म्हणून आहेत. हे कोणालाच नाकारता येणार नाही. येथील गर्दी जरी पाहिली तरी, जी रोज इतकीच असते. म्हणून भरतशेठच रायगडच्या मनातील पालकमंत्री असल्याचा उल्लेख त्यांनी केला आहे.
तसेच 'रायगडच्या पालकमंत्रिपदाबाबत त्यांना विचारले असता त्यांनी बोट मुख्यमंत्री आणि दोन्ही उपमुख्यमंत्र्यांकडे दाखवला. तसेच हा प्रश्न त्यांनाच विचारा. ते जो निर्णय तो निर्णय मान्य असेल, असेही म्हटलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.