Mumbai News : राज्यातील 288 नगरपालिका निवडणुकीत उमेदवारांचे भवितव्य मतदान पेटीत बंद झाले आहे. रविवारी सकाळी 10 वाजता 288 पालिका निवडणुकांचा निकाल जाहीर होणार आहे. त्यामुळे कोण होणार नगराध्यक्ष, कुणाची सत्ता येणार याचीच उत्सुकता सगळ्यांना लागली असताना या बाबत साम टीव्हीकडून राज्यात महाएक्झिट पोल घेण्यात आला होता. त्यामध्ये राज्यातील प्रतिष्ठेच्या 'या' दहा ठिकाणच्या चुरशीच्या लढतीत हे असणार संभाव्य नगराध्यक्ष असणार आहेत.
सातारा जिल्ह्यातील कराड नगरपालिकेच्या निवडणुकीत शहर विकास आघाडीचे राजेंद्रसिंह यादव हे नगराध्यक्ष पदाचे उमेदवार विजयी होतील असा अंदाज वर्तवला आहे. त्यासोबतच या निवडणुकीत शहर विकास आघाडीचे 18 नगरसेवक निवडून येतील, असा अंदाज वर्तवला आहे.
पुणे जिल्ह्यातील इंदापूर नगरपालिकेच्या निवडणुकीत अजित पवार यांच्या राष्ट्रवादी काँग्रेसचे भरत शहा हे नगराध्यक्ष पदाचे उमेदवार विजयी होतील, असा अंदाज वर्तवला आहे. त्यासोबतच या निवडणुकीत राष्ट्रवादीचे 15 नगरसेवक निवडून येतील, असा अंदाज वर्तवला आहे.
नाशिक जिल्ह्यातील नांदगाव नगरपालिकेच्या निवडणुकीत एकनाथ शिंदे यांच्या शिवसेनेचे नगराध्यक्ष पदाचे उमेदवार सागर हिरे हे विजयी होतील असा अंदाज वर्तवला आहे. त्यासोबतच या निवडणुकीत शिंदे यांच्या शिवसेनेचे (Shivsena) 18 नगरसेवक निवडून येतील असा अंदाज वर्तवला आहे.
बीड जिल्ह्यातील गेवराई नगरपालिकेच्या निवडणुकीत मोठा राडा झाला होता. त्यामुळे ही निवडणूक राज्यभर गाजली होती. याठिकाणाच्या निवडणुकीत भाजपच्या (BJP) नगराध्यक्ष पदाचे उमेदवार गीता पवार हे विजयी होतील असा अंदाज वर्तवला आहे. त्यासोबतच या निवडणुकीत भाजपचे 16 नगरसेवक निवडून येतील, असा अंदाज वर्तवला आहे. तर बीड नगरपालिकेत शरद पवार गटाच्या स्मिता वाघमारे नगरध्यक्षपदाच्या निवडणुकीत विजयी होतील असा अंदाज आहे तर त्यांचे 15 नगरसेवक निवडून येतील असा अंदाज वर्तवला आहे.
हिंगोली जिल्ह्यातील कळमनुरी नगरपालिकेच्या निवडणुकीत एकनाथ शिंदे यांच्या शिवसेनेच्या नगराध्यक्ष पदाचे उमेदवार आश्लेषा चौधरी हे विजयी होतील असा अंदाज वर्तवला आहे. त्यासोबतच या निवडणुकीत एकनाथ शिंदे यांच्या शिवसेनेचे 15 नगरसेवक निवडून येतील, असा अंदाज वर्तवला आहे.
सोलापूर जिल्ह्यातील पंढरपूर नगरपालिकेच्या निवडणुकीत भाजपच्या शामल शिरसाट या नगराध्यक्ष पदाचे उमेदवार विजयी होतील असा अंदाज वर्तवला आहे. त्यासोबतच या निवडणुकीत भाजपचे 30 नगरसेवक निवडून येतील, असा अंदाज वर्तवला आहे.
लातूर जिल्ह्यातील औसा नगरपालिकेच्या निवडणुकीत अजित पवार यांच्या राष्ट्रवादी काँग्रेसच्या शामल शिरसाट या नगराध्यक्ष पदाचे उमेदवार विजयी होतील असा अंदाज वर्तवला आहे. त्यासोबतच या निवडणुकीत भाजपचे 30 नगरसेवक निवडून येतील, असा अंदाज वर्तवला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.