Tukaram Munde: तुकाराम मुंढेंचे निंलबन होणार? अधिवेशनात उदय सामतांचे स्पष्टीकरण; आरोपात तथ्य आहे का?

Tukaram Mundhe : सनदी अधिकारी तुकाराम मुंढे यांचे निलंबन होणार का, यावर नागपूर हिवाळी अधिवेशनात उद्योगमंत्री उदय सामंत यांनी स्पष्टीकरण दिले आहे.भाजप आमदार कृष्णा खोपडे यांनी मुंढे यांच्या विरोधात तक्रार केली आहे. अधिवेशनात याप्रकरणी EOW,आणि पोलिस चौकशीत काहीही आढळले नाही, असे उदय सामंत यांनी सांगितले.

महिला आयोगाकडे तुकाराम मुंढे प्रकरणाची चौकशी सुरु आहे.त्याचा अहवाल महिनाभरात येईल, अशी माहिती उदय सामंत यांनी विघानसभेत दिली. नागपूर महापालिका आयुक्त असताना तुकाराम मुंढे यांनी अधिकारा नसताना स्मार्ट सिटी प्रकल्पा अंतर्गत 20 कोटींचा गैरव्यवहार केला आहे, असा आरोप भाजप आमदार कृष्णा खोपडे आणि प्रविण तटके यांनी केला होता.

तुकाराम मुंढे नागपूर महापालिकेत पदावर असताना 16 ते 18 कोटींचे जे देयक काढले होते. ते योग्य प्रक्रिया करुनच काढले होते, असे ईओडब्लूचे म्हणणे आहे. महिलांबाबत जो प्रसंग घडला आहे, ज्या बाबत सदस्यांची तक्रार आहे, त्यांची चौकशी सुरु आहे. त्याचा अहवाल 15 ते 20 दिवसात येईल, असे उदय सामंत यांनी स्पष्ट केले. त्यात जे आढळेल त्याप्रमाणे कारवाई केली जाईल, असे सामंत म्हणाले.

तुकाराम मुंढे यांच्यावर होणाऱ्या कारवाई करा, याबाबत हिवाळी अधिवेशनाच्या पहिल्याच दिवशी भाजपचे आमदार कृष्णा खोपडे यांनी सभागृहात गंभीर आरोप केले होते. तुकाराम मुंढे यांच्या गैरव्यवहारांविरोधात आवाज उठवल्यानंतर त्यांना फोनवरून धमक्या मिळाल्या आहेत. या धमक्यांमुळे आपल्या जीवाला धोका निर्माण झाल्याचा दावा कृष्णा खोपडे यांनी केला होचा. त्यावरून अधिवेशनाच्या दुसऱ्या दिवशीही विधानसभेत खडाजंगी झाली होती.

मुख्यमंत्री देवेंद्र फडणवीस, विधानसभा अध्यक्ष राहुल नार्वेकर यांना आपल्याला धमकी आल्याची माहिती खोपडे यांनी दिली होती, याबाबत खोपडे यांनी सिताबर्डी पोलिस ठाण्यातही औपचारिक तक्रार दाखल केली आहे. एखाद्या सनदी अधिकाऱ्याविरोधात प्रश्न विचारल्यावर आमदाराला धमकी येणे, ही गंभीर बाब मानली जात आहे. त्यामुळे या विषयाला वेगळे वळण मिळाले आहे.

निलंबन करा

कृष्णा खोपडे विशेष लक्षवेधी सूचना मांडून त्यांना निलंबित करण्याची मागणी केली होती. तुकाराम मुंढे नागपुरात महापालिकेचे आयुक्त असताना त्यांनी कोणतेही अधिकार नसताना आणि शासनाकडून त्यांची “स्मार्ट सिटी प्रकल्प”चे मुख्य कार्यकारी अधिकारी पदी नेमणूक नसतानाही त्यांनी स्मार्ट सिटी प्रकल्पाचा प्रभार नियमबाह्य पद्धतीने आपल्याकडे घेतला होता, असा आरोप भाजपने केला आहे.

तुकाराम मुंढेंवर काय आरोप आहेत?

नागपूर महापालिकेत आयुक्त पदावर काम करत असताना तुकाराम मुंडे यांनी स्मार्ट सिटी प्रकल्पाचा कार्यभार नियम डावलून आपल्याकडे घेतला. स्मार्ट सिटी प्रोजेक्टबाबत सरकारने त्यांची अधिकृत नेमणूक केली नव्हती. मुंढे यांनी हा प्रकल्प स्वतःकडे घेऊन काही ठराविक कंत्राटदारांना मोठ्या प्रमाणात पेमेंट केल्याचा आरोप करण्यात आला आहे. यातील काही रक्कम नियमांचे पालन न करता दिल्याचा आरोप त्यांच्यावर आहे. त्याचबरोबर काही महिला अधिकाऱ्यांशी तुकाराम मुंढे हे उद्धटपणे वागल्याच्या तक्रारीही त्या काळात नोंदवण्यात आल्या होत्या.