Marathwada News : राज्यात मुसळधार पावसाने धुमाकुळ घातला आहे. या अतिवृष्टीचा सर्वाधिक फटका नेहमी दुष्काळाच्या झळा सोसणाऱ्या मराठवाड्याला बसला. धाराशिव, लातूर,सोलापूर जिल्ह्यातील विविध भागांत पूरस्थिती निर्माण झाली असून नागरिकांसह शेतकऱ्यांचंही मोठं नुकसान झालं आहे. या संकटात सापडलेल्या शेतकरी आणि नागरिकांसाठी उपमुख्यमंत्री अजित पवारांच्या राष्ट्रवादी काँग्रेसच्या सर्व मंत्री आणि आमदारांनी त्यांचं एक महिन्याचं वेतन मुख्यमंत्री सहाय्यता निधीला देण्याचा निर्णय घेतला आहे. आता अजितदादांपाठोपाठ उपमुख्यमंत्री एकनाथ शिंदेंनीही (Eknath Shinde) मोठा निर्णय जाहीर केला आहे.
एकीकडे उपमुख्यमंत्री एकनाथ शिंदे आणि धाराशिवचे पालकमंत्री प्रताप सरनाईक यांचे धाराशिवमधील पूरग्रस्तभागातील मदत किटवर फोटो छापण्यात आल्यानं मोठा राजकीय वाद पेटला असतानाच शिवसेनेच्या गोटातून बुधवारी(ता. 24) महत्त्वाची अपडेट समोर आली आहे.
आता उपमुख्यमंत्री एकनाथ शिंदे यांनी धाराशिवमधील नुकसानग्रस्त भागांची पाहणी केल्यानंतर मोठी घोषणा केली आहे. शिवसेनेनं मराठवाड्यातील अतिवृष्टीग्रस्त शेतकऱ्यांसाठी मदतीचा हात पुढे केला आहे. राज्यावर ओढावलेल्या पूरसंकटाच्या धर्तीवर शिवसेनेचे सर्व मंत्री तसेच आमदार त्यांचं एक महिन्याचं वेतन मुख्यमंत्री निधीस देणार असल्याचा निर्णय उपमुख्यमंत्री शिंदेंनी जाहीर केला आहे.
शिंदे म्हणाले, नैसर्गिक आपत्तीत शिवसेना नेहमीच शेतकऱ्यांच्या पाठीशी उभी राहिली असून, त्यांना मदत करण्यात कधीही हात आखडता घेणार नाही, असंही उपमुख्यमंत्री शिंदेंनी सांगितलं. तर दुसऱ्या बाजूला अजित पवारांच्या (Ajit Pawar) राष्ट्रवादी काँग्रेस पक्षानेही सर्व मंत्री, आमदार आणि खासदारांचं एक महिन्याचा वेतन पूरग्रस्त शेतकऱ्यांना देण्याची घोषणा केली आहे.
मुख्यमंत्री देवेंद्र फडणवीस यांनीही लातूर जिल्ह्यातील नुकसानग्रस्त भागाची पाहणी केल्यानंतर आम्ही सर्व निकष बाजूला ठेवून शेतकऱ्यांना सरसकट मदत करणार असून कोणालाही वाऱ्यावर सोडणार नसल्याचं स्पष्ट केलं आहे. अगदी नुकसानीचे ड्रोन आणि मोबाईलवर फोटो काढून जरी पाठवले तरी चालणार असल्याचं फडणवीस म्हणाले.
तसेच आपल्या सर्व मागण्या पूर्ण केल्या जातील आपण चिंता करण्याची गरज नाही. सरकार पाठीशी असून आपत्तीग्रस्त शेतकऱ्यांना मदत करताना सगळे निकष बाजूला ठेवून मदतीचा शब्द देतानाच फडणवीस यांनी यावेळी स्पष्ट करत शेतकऱ्यांना आधारही दिला.
मराठवाड्यातील अतिवृष्टीचा फटका बसलेल्या शेतकऱ्यांसह विरोधकांकडून राज्यात ओला दुष्काळ जाहीर करण्याची आणि शेतकरी कर्जमाफी करण्यासाठीचा महायुती सरकारवरील दबाव वाढत चालला आहे.
मराठवाड्यातील बीड, धाराशिव व लातूर जिल्ह्याला गेल्या चार दिवसात मुसळधार पावसाने जोरदार तडाखा दिला. त्यामुळे अनेक गावात पुराचे पाणी शिरले आहे. तर शेती तर पार खरडून गेली. त्यामुळे या शेतकऱ्यांच्या मदतीला राज्य सरकार धावून आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.