Hingoli News : काँग्रेसचे माजी आमदार भाऊराव पाटील गोरेगावकरांच्या हाती धनुष्यबाण!

पंजाब नवघरे

Shiv sena Political News : विधानसभा निवडणुकीत काँग्रेसपासून अलिप्त राहिलेले हिंगोलीचे माजी आमदार भाऊराव पाटील गोरेगावकर यांनी अखेर आज शिवसेनेचा धनुष्यबाण हाती घेतला. उपमुख्यमंत्री एकनाथ शिंदे यांच्या उपस्थितीत मुंबईत गोरेगावकर यांनी समर्थकांसह पक्षप्रवेश केला. स्थानिक स्वराज्य संस्थांच्या निवडणुकीच्या पार्श्वभूमीवर हिंगोली जिल्ह्यात ही मोठी खेळी समजली जात आहे. आमदार संतोष बांगर यांनी गोरेगावकर यांना शिवसेनेत आणण्यासाठी पुढाकार घेतला.

गोरेगावकरांसारखा अनुभवी नेता शिवसेनेच्या गळाला लागल्याने आगामी जिल्हा परिषद, नगरपालिका निवडणुकांत याचा पक्षाला मोठा फायदा होऊ शकतो, असा दावा केला जात आहे. भाऊराव पाटील गोरेगावकर यांनी 1999 ते 2014 असा तीनवेळा हिंगोली (Hingoli) विधानसभेवर काँग्रेसचा झेंडा कायम फडकवत ठेवला होता. त्यानंतर राज्यात आणि हिंगोली विधानसभेतही सत्ता बदल झाला.

भाजपच्या तान्हाजी मुटकुळे यांनी गोरेगावकरांचा सलग तीन निवडणुकीत पराभव केला. 2024 पर्यंत गोरेवगावकर काँग्रेसमध्ये सक्रिय होते. परंतु त्यांना 2024 च्या निवडणुकीत काँग्रेसने उमेदवारी नाकारत ऐनवेळी जागा शिवसेना (Shivsena) उद्धव बाळासाहेब ठाकरे पक्षाचा जागा सोडली. जागा सोडल्याच्या नाराजीतून गोरेगावकर यांनी बंडखोरी करत अपक्ष निवडणूक लढविली होती. तेव्हापासून ते काँग्रेसपासून अलिप्त राहिले. काही दिवसांपासून ते इतर पक्षात प्रवेश करणार असल्याच्या चर्चा सुरू होत्या.

सुरुवातीला अजित पवारांच्या राष्ट्रवादी काँग्रेसमध्ये प्रवेशासाठी त्यांनी प्रयत्न केले. परंतु राष्ट्रवादीच्या स्थानिक नेत्यांच्या विरोधामुळे त्यांना थांबवण्यात आले. आता स्थानिक स्वराज्य संस्था निवडणुकीच्या तोंडावर गोरेगावकर यांनी अखेर शिवसेनेत प्रवेश करत आपली पुढील वाटचाल स्पष्ट केली. आमदार संतोष बांगर हे देखील गोरेगावर यांना पक्षात घेण्यासाठी उत्सूक होते. मागील काही दिवसापासून बांगर आणि गोरेगावकर यांच्या गाठीभेटी वाढल्या होत्या.

रविवारी गोरेगाव येथे भाऊसाहेब यांनी आपल्या कार्यकर्त्यांची बैठक घेतली. कार्यकर्त्यांच्या भावना जाणून घेतल्या. कार्यकर्चांही शिवसेना प्रवेशाला पाठिंबा असल्याचे स्पष्ट झाल्यानंतर त्यांचा पक्षप्रवेश निश्चित झाला. गोरेगावकर यांनीच या संदर्भात संकेत दिले होते. त्यानूसार आज मुंबईत त्यांच्या शिवसेनेत प्रवेश झाला. एकनाथ शिंदे यांनी भगवा झेंडा हाती देऊन गोरेगावकर आणि त्यांच्या समर्थकांचे स्वागत केले. यावेळी मंत्री गुलाबराव पाटील हे देखील उपस्थित होते.

स्थानिक राजकारणावर परिणाम

गोरेगावकर यांना माननारा मोठा वर्ग आहे. हिंगोली,सेनगाव तालुक्यात अनेक मातब्बर समर्थक अजुनही त्यांच्यासोबत आहेत. सलग तीन पराभव होऊनही अनेक निष्टावंत कार्यकर्त्यांनी त्यांची साथ सोडली नाही. त्यामुळे गोरेगावकर यांच्या ताकदीचा अंदाज येतो. गोरेगावकर हे शिवसेनेत गेल्याने जिल्हा परिषद,पंचायत समिती, आणि नगरपालीकेच्या राजकारणावर परिणाम होणार आहे.

5 FAQs

1. भाऊसाहेब गोरेगावकर कोण आहेत?
भाऊसाहेब गोरेगावकर हे काँग्रेसचे माजी आमदार असून हिंगोली जिल्ह्यात त्यांचा प्रभाव आहे.

2. त्यांनी कोणत्या पक्षात प्रवेश केला?
त्यांनी मुख्यमंत्री एकनाथ शिंदे यांच्या नेतृत्वाखालील शिवसेनेत प्रवेश केला.

3. हा प्रवेश कुठे झाला?
मुंबईत झालेल्या विशेष कार्यक्रमात त्यांनी अधिकृतरित्या शिवसेनेचा झेंडा हाती घेतला.

4. काँग्रेसला या प्रवेशाचा काय फटका बसू शकतो?
गोरेगावकरांच्या जाण्यामुळे काँग्रेसच्या स्थानिक संघटनांमध्ये नाराजी आणि मतदारसंघात गळती होऊ शकते.

5. शिवसेनेला या प्रवेशाचा काय फायदा होईल?
शिंदे गटाला हिंगोली जिल्ह्यात आपला प्रभाव वाढवण्यासाठी एक अनुभवी नेते मिळाले आहेत.