फलटणमधील डॉक्टर तरुणीच्या मृत्यूप्रकरणी माजी खासदार रणजितसिंह नाईक निंबाळकर यांना दिलेल्या क्लीनचिटवर ओबीसी नेते प्रा. लक्ष्मण हाके यांनी तीव्र नाराजी व्यक्त केली आणि मुख्यमंत्री देवेंद्र फडणवीस यांच्यावर टीका केली.
या घटनेचा तपास पूर्ण होण्यापूर्वी दिलेली क्लीनचिट ही अयोग्य व अकाली असल्याचे प्रा. लक्ष्मण हाके यांनी नमूद केले.
हाके यांनी पालकांच्या मनात निर्माण झालेल्या मुलींच्या सुरक्षेविषयीच्या चिंतेकडे लक्ष वेधले आणि फडणवीस यांनी अशा प्रकरणांमध्ये न्यायपूर्ण भूमिका घ्यावी, अशी मागणी केली.
Solapur, 28 October : मुख्यमंत्री देवेंद्र फडणवीस यांनी माजी खासदार रणजितसिंह नाईक निंबाळकर यांचा फलटणचा कार्यक्रम नाकारला पाहिजे होता. फलटणमधील डॉक्टर तरुणीच्या मृत्यूप्रकरणात नाव आलेले माजी खासदार रणजितसिंह नाईक निंबाळकर यांना क्लिनचिट दिल्याने महाराष्ट्रात पालक विद्यार्थिनीला वसतिगृहात ठेवावं की नाही अशा चिंतेत आहेत. फडणवीससाहेब तुमच्याकडून आम्हाला फार अपेक्षा आहेत, तुम्ही असं एखाद्या आरोप असलेल्या माणसाला क्लीनचीट देणं योग्य नाही, अशा शब्दांत ओबीसी नेते प्रा. लक्ष्मण हाके यांनी माजी खासदार रणजितसिंह नाईक निंबाळकर यांना क्लीनचिट दिल्याबद्दल फडणवीसांवर नाराजी व्यक्त केली.
फलटणमधील डॉक्टर तरुणाने भाऊबीजेच्या दिवशी गळफास घेऊन आत्महत्या केली आहे. तिच्या हातावर आढळलेल्या सुसाईड नोटमध्ये माजी खासदार रणजितसिंह नाईक निंबाळकर (Ranjitsinh naik Nimbalkar) यांच्यावर आरोप करण्यात आले आहेत. मात्र, त्या प्रकरणात निंबाळकरांना मुख्यमंत्र्यांनी क्लिनचिट दिली आहे. मला थोडा जरी संशय असता तर मी इथं आलो असतो का, असा सवाल त्यांनी केला होता. त्यावर प्रा. हाके यांनी टीका केली आहे.
लक्ष्मण हाके (Laxman Hake) म्हणाले, फलटणमधील महिला वैद्यकीय अधिकाऱ्याची आत्महत्या नाही, तर ही हत्या आहे. मग तिची हत्या कोणी केली, का केली याचा तपास लागण्याआधी मुख्यमंत्र्यांनी क्लीनचीट देने हे प्रीमॅच्यूयर लक्षण आहे. फडणवीससाहेब तुमच्याकडून आम्हाला फार अपेक्षा आहेत, तुम्ही असं एखाद्या आरोप असलेल्या माणसाला क्लीनचीट देणे योग्य नाही
माजी खासदार रणजितसिंह नाईक निंबाळकर यांचा स्वराज नावाचा साखर कारखाना आहे, त्यांच्यावर अनेक आरोप आहेत, त्यांना तुम्ही क्लीनचीट दिली, तर प्रशासन कसं चौकशी करेल. मुख्यमंत्री फडणवीस यांनी न्यायमूर्तीच्या भूमिकेत जाऊ नये, तुम्ही राज्याचे मुख्यमंत्री आहात, असा विश्वास निर्माण करा, असा सल्लाही हाके यांनी फडणवीसांना दिला.
प्रा. लक्ष्मण हाके म्हणाले, पालकांच्या मनात मुलींना शिकवावं की नाही, अशी चिंता निर्माण झाली आहे. ती संपवयाला मुख्यमंत्री देवेंद्र फडणवीस यांनी पुढं यावं. असे आरोप असलेल्या व्यक्तीला क्लीनचीट देण्यात येऊ नये. महाराष्ट्रात पालक विद्यार्थिनीला वसतिगृहात ठेवावं की नाही, अशा चिंतेत आहेत.
1. फलटणमधील प्रकरण कोणत्या संदर्भात आहे?
एका महिला डॉक्टरने आत्महत्या केल्याच्या प्रकरणात माजी खासदार रणजितसिंह नाईक निंबाळकर यांचे नाव समोर आले आहे.
2. प्रा. लक्ष्मण हाके यांनी फडणवीसांवर काय आरोप केला?
त्यांनी फडणवीसांनी आरोप असलेल्या व्यक्तीस अकाली क्लीनचिट दिल्याबद्दल नाराजी व्यक्त केली.
3. हाके यांनी या घटनेला काय म्हटले आहे?
त्यांनी ती आत्महत्या नसून हत्या असल्याचे म्हटले आणि सखोल चौकशीची मागणी केली.
4. हाके यांची मुख्यमंत्री फडणवीसांकडे कोणती मागणी आहे?
मुलींच्या सुरक्षेवरील पालकांचा विश्वास परत मिळवण्यासाठी फडणवीसांनी न्यायपूर्ण पावले उचलावीत, अशी त्यांची मागणी आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.