Kolhapur Politics : उद्धव ठाकरेंचा शहरप्रमुख काँग्रेसचा स्वीकृत नगरसेवक झाल्याने राडा; घरात जाऊन शिवसैनिकांनी विचारला निष्ठेचा जाब!

Kolhapur News : उद्धव ठाकरे यांच्या शिवसेनेचे शहर प्रमुख सुनील मोदी यांची कोल्हापूर महापालिकेचे स्वीकृत नगरसेवक म्हणून निवड झाल्यानंतर शिवसैनिकांमध्ये प्रचंड रोष निर्मण झाला आहे. या निवडीनंतर आक्रमक झालेल्या शिवसैनिकांनी राडा घातला आहे. या प्रकारनंतर संतप्त झालेल्या शिवसैनिकांनी सुनील मोदी यांच्या घरी जाऊन जाब विचारला आहे. त्यामुळे वातावरण चँगलेच तापले आहे.

परिवहन समितीमध्ये विशाल देवकुळे यांचे नाव डावल्यानंतर ठाकरेंच्या शिवसैनिकांनी गोंधळ घातला आहे. त्यानंतर सुनील मोदी यांनी तुम्ही शिवसेनेचा (Shivsena) घात केला, शिवसेनेत राहून तुम्ही काँग्रेसचे हस्तक झाला आहात, कोल्हापुरातून उद्धव ठाकरेंची शिवसेना मोदी तुम्ही संपवली असा आरोप करण्यात आला.

उद्धव ठाकरे (Uddhav Thackeray) यांच्या शिवसैनिकांकडून सुनील मोदी यांच्या घरात जाऊन जाब विचारला आहे. तुम्ही गुलाल धुवून या, मग शिवसैनिकांशी बोलणी करा, येथून पुढे काँग्रेससोबत कोणतीही आघाडी करणार नाही. काँग्रेसने नेहमीच लोकसभा आणि विधानसभा निवडणुकीत ठाकरेंच्या शिवसेनेचा उपयोग केला, असल्याचा आरोप शिवसैनिकांनी केला आहे.

कोल्हापूर महापालिकेत स्वीकृत नगरसेवकाची निवड झाल्यानंतर मोठ्या प्रमाणात नाराजी उफाळून आली आहे. विशेषता उद्धव ठाकरे यांच्या शिवसेनेतील अंतर्गत वाद या निमित्ताने उफाळून आला आहे. त्यामुळेच सुनील मोदी यांची निवड होताच मोठ्या प्रमाणात शिवसैनिकांनी राडा घातला आहे.

दरम्यान, शुक्रवारी कोल्हापूर महापालिकेच्या पहिल्या सर्वसाधारण सभेत ऑडियो बॉम्ब फुटला आहे. महापालिकेत काँग्रेसच्या दोन स्वीकृत नगरसेवक नेमणुकीवर शिवसेना नेते सुनील कदम यांनी आक्षेप घेतला आहे. ठाकरे गटाचे नेते आणि शहर प्रमुख सुनील मोदी आणि काँग्रेसचे मुस्ताक मलबारी यांच्या नावाला विरोध केला असून मोदी यांनी भ्रष्ट्राचार तर मलबारी यांनी महापालिकेचे पैसे थकवाल्याचा आरोप केला. या आरोपानंतरही स्वीकृत नगरसेवकपदी सुनील मोदी यांची निवड करण्यात आल्याने ठाकरे यांच्या शिवसैनिकात नाराजी आहे.