Solapur, 31 January : राष्ट्रवादी काँग्रेस विधीमंडळ पक्षाच्या नेतेपदी सुनेत्रा पवार यांची नियुक्ती करण्यात येत असून त्यानंतर त्या सायंकाळी उपमुख्यमंत्रपिदाची शपथ घेणार आहेत. मात्र, उपमुख्यमंत्री अजितदादा पवार यांना जाऊन केवळ तीनच दिवस झाले असताना या घडामोडी घडत असल्याने राष्ट्रवादी काँग्रेस शरदचंद्र पवार पक्षाचे आमदार उत्तम जानकर यांनी नाराजी व्यक्त केले आहे. तसेच ‘शरद पवारांना डावलून हा निर्णय होणार असेल तर हा फार लांबचा प्रवास ठरेल, असे मला अजिबात वाटत नाही,’ असा दावाही जानकर यांनी व्यक्त केला आहे.
आमदार उत्तम जानकर (Uttam Jankar) म्हणाले, कोणाला तरी लाभ करून देण्यासाठी ही धावपळ सुरू आहे. शपथविधी तातडीने करून घेणे, म्हणजे निवडणुकीत त्याचा फायदा करून घेण्याचा त्यामागे उद्देश आहे. खासदार सुनेत्रा पवार असतील किंवा इतर असतील. त्याचा सर्व लाभ भविष्यात भारतीय जनता पक्षच घेण्याची शक्यता आहे.
ज्येष्ठ नेते शरद पवार (Sharad Pawar) आणि पवार कुटुंबातील सर्व सदस्यांशी चर्चा होऊनच उपमुख्यमंत्रिपदाचा निर्णय व्हायला पाहिजे होता. मग तो कोणताही असू द्या. सत्तेत जाण्याचा असू किंवा सत्ताबाहेर राहण्याचा असू द्या. पवार कुटुंबाने एकत्र होणं, ही सध्या काळाची गरज होती, असेही जानकर यांनी बोलून दाखवले.
आमदार उत्तम जानकर म्हणाले, शरद पवारसाहेबांना न विचारता हा निर्णय घेतला गेला असेल, तर हा फार लांबचा प्रवास ठरेल, असे मला अजिबात वाटत नाही. ही अतिशय खेदाची गोष्ट आहे.
आणखी दोन ते चार दिवसांनी किंवा आठ दिवसांनी दुःख संपल्यावरसुद्धा हे सर्व झालं असतं तर काही वाटलं नसतं. एखादा मुख्यमंत्री, पंतप्रधान किंवा राष्ट्रपती असेल तर त्यावेळची परिस्थिती समजू शकतो. उपमुख्यमंत्रिपद हे नामधारी असतं, तरीही एवढ्या धावपळी केल्या जातात, म्हणजे काहीतरी पवार कुटुंबाला एकमेकांपासून वेगळं करण्याचा प्रयत्न दिसत आहे. ज्येष्ठ नेते शरद पवार यांचा अनुभव आणि कर्तृत्व पाहता त्यांनी दोन्ही राष्ट्रवादीच्या हिताचा निर्णय केला असता, असेही जानकर यांनी म्हटले आहे.
ते म्हणाले, ज्येष्ठ नेते शरद पवार यांना डावलून सुनेत्रा पवार यांचा उपमुख्यमंत्रिपदी होणारा शपथविधी हा चुकीचा आहे. ज्येष्ठ नेते शरद पवार यांच्याशी चर्चा करून त्यांना बरोबर घेऊन ह्या सर्व घडामोडी व्हायला पाहिजे होत्या, असं मला वाटतं.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.