Marathi Sahitya Sammelan : हिंदी सक्तीविरोधी भूमिका; कुलकर्णींना काळे फासले, हल्लेखोराकडे होता कोयता...

Satara News : साताऱ्यात आयोजित अखिल भारतीय मराठी संमेलनात आज (ता. ३) खळबळजनक घटना घडली असून संमेलनाचे कार्याध्यक्ष विनोद कुलकर्णी यांच्या तोंडाला काळे फासण्यात आले आहे. हा व्यक्ती रिपाइंचा कार्यकर्ता असल्याचा दावा केला जात असून त्याचे नाव संदीप जाधव असल्याचे कळत आहे. सध्या पोलिसांनी त्याला ताब्यात घेतले असून जाधव याने कुलकर्णी यांच्या तोंडाला काळे फासताना 'तुला संपवतो असे म्हणत धमकी दिल्याचेही चर्चा येथे सुरू झाली आहे. पण या घटनेनं एकच खळबळ उडाली आहे.

याबाबात मिळालेली माहिती अशी की, साताऱ्यात अखिल भारतीय मराठी साहित्य संमेलनाचे आयोजन करण्यात आले आहे. यावेळी संमेलनात पुस्तक प्रकाशन कार्यक्रम आटोपून विनोद कुलकर्णी कार्यक्रमस्थळावरून बाहेर पडत होते.

यादरम्यान कुलकर्णी यांच्यावर हल्ला करण्यात आला. त्यांच्या तोंडावर अज्ञात व्यक्तीने डोळ्यात काळा पदार्थ टाकला. यावेळी त्याच्या हातात कोयत्यासारखी शस्त्रही होती, असा दावा आता कुलकर्णी यांनी केला आहे. तर त्या व्यक्तीचे नाव संदीप जाधव असून त्याने तुला संपवतो असा गंभीर आरोप विनोद कुलकर्णींनी यांनी यावेळी केला आहे. या प्रकारानंतर ते उपचार घेऊन मी पुन्हा संमेलनस्थळी दाखल झाले.

या धक्कादायक प्रकारानंतर विनोद कुलकर्णींनी एका वृत्त वाहिनीशी बोलताना, आपल्यावर झालेल्या हल्ल्याची माहिती दिली. यावेळी ते म्हणाले की, मी साहित्य संमेलनातील पुस्तक प्रकाशन कार्यक्रम आवरून कार्यक्रमस्थळावरून बाहेर पडत होतो. यावेळी संदीप जाधव या व्यक्तीने आपल्या चेहऱ्यावर काळा पदार्थ टाकला. त्यावेळी त्याच्या हातात कोयत्यासारखी शस्त्रही होते. तो तुला संपवतो अशी भाषाही करत होता. पण आपल्या डोळ्यात तो काळा पदार्थ गेल्याने काहीही दिसले नाही.

हल्ला केला की कोणी करायला लावला?

तसेच विनोद कुलकर्णींनी यावेळी धक्कादायक दावाही केला असून आपण सरकारविरोधात, हिंदी सक्तीविरोधात भूमिका घेतल्यानेच हा हल्ला झाल्याचे त्यांनी म्हटलं आहे. तसेच सध्या सरकारच्या हिंदी सक्तीविरोधात भूमिकेविरोधात आपला लढा सुरू असून वेगवेगळ्या संघटना आपल्याविरोधात आहेत.

दरम्यान आपल्यावर कोणत्या कारणामुळे हल्ला झाला हे सांगता येत नसल्याचेही त्यांनी म्हटले आहे. सध्या पोलिसांनी हल्लेखोराला ताब्यात घेतले असून या प्रकरणाचा योग्य तपास करून न्याय देतील, असा विश्वासही कुलकर्णी यांनी व्यक्त केला. तर हल्ला केला की कोणी करायला लावला आहे हे माहित नसून याचाही तपास व्हावा अशी मागणी त्यांनी केली आहे.

FAQs :

Q1. विनोद कुलकर्णींवर हल्ला कधी झाला?
➡️ आज दिनांक ३ रोजी ही घटना घडली.

Q2. हल्ल्याचा आरोप कुणावर आहे?
➡️ संदीप जाधव नावाच्या तरुणावर हल्ल्याचा आरोप आहे.

Q3. हल्लेखोराकडे काय शस्त्र होते असा दावा आहे?
➡️ कोयत्यासारखे धारदार शस्त्र असल्याचा दावा विनोद कुलकर्णींनी केला आहे.

Q4. हल्ल्याचे कारण काय सांगितले जात आहे?
➡️ हिंदी सक्तीविरोधी आणि सरकारविरोधी भूमिकेमुळे हा हल्ला झाल्याचा संशय व्यक्त होत आहे.

Q5. पोलिसांनी काय कारवाई केली आहे?
➡️ आरोपीला ताब्यात घेऊन पुढील तपास सुरू करण्यात आला आहे.