Mumbai News : नेस्को सेंटरमध्ये मनसेचा मेळावा पार पडला. यावेळी मनसे प्रमुख राज ठाकरे यांनी कार्यकर्त्यांना मार्गदर्शन केले. त्यावेळी राज ठाकरेंनी निवडणूक आयोगाच्या कारभारावर जोरदार टीका करताना पुन्हा 'लाव रे तो' व्हिडिओ म्हणत पंतप्रधान नरेंद्र मोदी यांनी गुजरातचे मुख्यमंत्री असताना निवडणूक आयोगावर केलेल्या टीकेचा व्हिडीओ सर्वांसमोर दाखवला. त्यासोबतच यावेळी शिंदे, पवारांचे आमदार काय बोलले ते लाईव्ह दाखवत सरकारला पुन्हा एकदा धारेवर धरले.
मतदार यादीतील गोंधळाविषयी मागील निवडणुकीत सुद्धा तक्रार केली होती. कित्येक विधानसभा निवडणुकीत मोठे यश मिळूनही जल्लोष केला नव्हता. यावरून निवडणूक आयोगाच्या कार्यपद्धतीवर त्यांनी जोरदार आक्षेप घेतला आहे. आम्ही निवडणूक आयोगाला विचारल्यानंतर सत्ताधारी मंडळी त्याचा खुलासा करतात. त्यामुळे मॅच फिक्सिंग झाली असल्याचा आरोपही यावेळी राज ठाकरे यांनी केला.
त्यासोबतच गुजरात इलेक्शनमधील पीएम मोदींचा जुना व्हिडिओ दाखवत त्यांनी निवडणूक आयोगावर जोरदार टीका केली. गुजरातचे मुख्यमंत्री असताना नरेंद्र मोदी यांनी केलेल्या भाषणचा व्हिडीओ त्यांनी समोर आणला. या भाषणातून मोदी यांनी निवडणूक आयोगावर गंभीर आरोप केले होते. यावेळी निवडणूक आयोग केंद्र सरकारचा गुलाम असल्याचा आरोप त्यांनी केला होता हा जुना व्हिडिओ त्यांनी यावेळी दाखवला.
त्यासोबतच पैठणचे आमदार भुमरे यांनी 20 हजार मतदान बाहेरून आलेले सांगणारा व्हिडिओ त्यांनी दाखविला. या दोन्ही व्हिडिओ त्यांनी यावेळी दाखवले. तर दुसरीकडे सत्ताधारी पक्षातील आमदार सतीश चव्हाण, संजय गायकवाड, मंदा म्हात्रे यांनी निवडणूक आयोगावर टीका केलेले व्हिडिओ दाखवत निवडणूक आयोगावर टीका केली.
राज ठाकरेंच्या (Raj Thackreay) सभांना फक्त गर्दी होते, त्यांना मते मिळत नाहीत, असे सत्ताधारी म्हणत असतात. त्यांचा एकही आमदार आणि खासदार नाही, असेही म्हटले जाते. पण अशाप्रकारे बोगस मतदार घुसवून निवडणुका घेतल्या जात असतील तर आमचे आमदार-खासदार कसे निवडून येणार, असा सवाल राज ठाकरे यांनी उपस्थित केला.
सत्ताधाऱ्यांकडून मतदार यादीतच गणित सेट केले जात आहे. मग तुम्ही मतदान करा नाहीतर नका करु. मग सामान्य जनतेच्या मतदानाला काय अर्थ उरतो? आम्ही निवडणूक आयोगावर बोललो की, सत्ताधारी चिडतात. तुम्हाला कोणी विचारलंय? आम्ही केलेले आरोप मनाला लागतात म्हणूनच सत्ताधारी बोलत आहेत ना? तुम्हाला राग येतोय कारण तुम्ही शेण खाल्लंय. गल्लीगल्लीत माहिती आहे, कशी सत्ता आली, कसे राजकारण सुरु आहे, असे राज ठाकरे म्हणाले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.