Mumbai News : मुंबई महापालिका निवडणुकीसाठी उमेदवारी अर्ज दाखल करण्यास शेवटचे दोन दिवस शिल्लक राहिले आहेत. त्यामुळे सर्वच पक्षाची लगभग सुरु आहे. मुंबईतील लढत चौरंगी होणार असल्याने सर्वच पक्ष आता तयारीला लागले आहेत. उद्धव ठाकरेंच्या बालेकिल्ल्यासाठी चुरस आहे. भाजप-शिवसेनेची महायुती, उद्धव ठाकरेंची शिवसेना व राज ठाकरेंची मनसे एकत्रित लढणार तर अजित पवार यांची राष्ट्रवादी काँग्रेस स्वबळावर लढणार आहे तर दुसरीकडे काँग्रेस व वंचित आघाडीची घोषणा करण्यात आली आहे. त्यामुळे आता मुंबई महापालिकेसाठी चौरंगी लढत होण्याची शक्यता आहे. त्यातच आता एकनाथ शिंदेंच्या शिवसेनेची पहिली यादी तयार आहे. त्यामध्ये 60 माजी नगरसेवकांना पुन्हा संधी दिली जाणार आहे.
महायुतीमधून भाजप (BJP) आणि एकनाथ शिंदेंची शिवसेना एकत्रित निवडणूक लढणार आहे. उपमुख्यमंत्री एकनाथ शिंदे यांनीही राजकीय डावपेच आखायला सुरुवात केली आहे. भाजपसॊबत युती होणार असल्याचे फायनल झाल्यानंतर त्याठिकाणी आता उमेदवारी देण्याबाबत चर्चा सुरु झाल्या आहेत. उद्धव ठाकरे यांची शिवसेना आणि इतर पक्षातून एकनाथ शिंदे यांच्या शिवसेनेत आलेल्या 60 माजी नगरसेवकांच्या नावांची पहिली यादी तयार असून त्याची घोषणा लवकरच केली जाणार आहे. त्याकडे सर्वांचे लक्ष लागले आहे.
आगामी काळात होत असलेल्या मुंबई महापालिकेसाठी महायुतीचे 207 जागांवर निश्चित झाले असून भाजप 128 तर शिवसेना 79 जागांवर निवडणूक लढणार आहे. उर्वरीत 20 जागांसाठीची बोलणी अंतिम टप्प्यात आहे. त्यामुळे, रविवारी रात्री उशिरा किंवा उद्यापर्यंत एकनाथ शिंदेंच्या (Eknath shinde) शिवसेनेतील उमेदवारांची पहिली यादी जाहीर होण्याची शक्यता आहे.
छत्रपती संभाजी नगरमधील प्रकाश महाजन यांनी दोनच दिवसापूर्वी मनसेची साथ सोडून शिवसेनेत प्रवेश केला होता. आता, शिवसेनेत प्रवेश केलेल्या प्रकाश महाजन यांना पक्षाकडून प्रवक्तेपदाची जबाबदारी देण्यात आली आहे. दरम्यान, मनसेतही महाजन यांच्यावर प्रवक्तेपदाची जबाबदारी देण्यात आली होती.
उद्धव ठाकरे यांच्या शिवसेनेतून आणि इतर पक्षातून शिवसेना शिंदे गटात आलेल्या 60 माजी नगरसेवकांना एकनाथ शिंदेनी बोलावले आहे. त्यामध्ये, 2017 सालचे 39 आणि इतर पक्षांचे 21 मिळून सध्या 60 माजीनगरसेवकांची फौज एकनाथ शिंदेंकडे आहे. एकनाथ शिंदेनी या 60 माजी नगरसेवकांचं तिकिट फायनल केल्याची माहिती आहे. त्यानुसार, नंदनवन या निवासस्थानी आज या सर्व माजी नगरसेवकांना एकनाथ शिंदे कानमंत्र देणार आहेत.
एकनाथ शिंदेनी माजी नगरसेवकांवर विश्वास दाखवला आहे. उद्धव ठाकरे यांच्या शिवसेनेमधून आणि इतर पक्षातून आलेल्या सर्वच माजी नगरसेवकांना तिकीट फायनल करण्यात आले आहे. मुंबईतील नगरसेवकांसोबत एकनाथ शिंदे संवाद साधणार आहेत. या बैठकीतच निवडणुकांच्या नियोजनासह काही उमेदवारांना एबी फॉर्म वाटले जाण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.