Shinde Group News : शिंदे गटाचा पालघरमधील नेता आठ दिवसांपासून गायब; कुटुंबीयांनी व्यक्त केली मोठी भीती!

Ashok Dhodi Missing Case : अशोक धोडी यांनी आपल्या पत्नीला 20 जानेवारी रोजी आपण घरी येत असल्याचे फोन करून कळविले होते. त्यानंतर मात्र त्यांचा फोन बंद झाला आहे. धोडी हे आपल्या मोटारीसह गायब झाले आहेत.
Eknath Shinde-Ashok Dhodi
Eknath Shinde-Ashok DhodiSarkarnama
Published on
Updated on

Palghar, 27 January : उपमुख्यमंत्री एकनाथ शिंदे यांच्या शिवसेनेचे पालघर जिल्ह्यातील डहाणू तालुक्यातील पदाधिकारी अशोक धोडी हे गेली आठ दिवसांपासून बेपत्ता झाले आहेत, त्यामुळे पालघरच्या राजकीय वर्तुळात एकच खळबळ उडाली आहे. धोडी यांच्या कुटुंबीयांनी घोलवड पोलिस ठाण्यात तक्रार दिली आहे. मात्र, त्यांचा अजूनही शोध लागलेली नाही. धोडी यांच्या कुटुंबीयांनी अशोक धोडी यांचे अपहरण झाल्याची भीती व्यक्त करून पोलिसांत तक्रार दिली आहे. पोलिस तपास करीत नसल्याचा आरोप कुटुंबीयांनी केला आहे.

अशोक धोडी यांनी आपल्या पत्नीला 20 जानेवारी रोजी आपण घरी येत असल्याचे फोन करून कळविले होते. त्यानंतर मात्र त्यांचा फोन बंद झाला आहे. धोडी हे आपल्या मोटारीसह गायब झाले आहेत. धोडी हे उपमुख्यमंत्री एकनाथ शिंदे (Eknath Shinde) यांच्या नेतृत्वाखालील माथाडी कामगार सेनेचे तालसरी तालुकाध्यक्ष म्हणून काम पाहत होते. तसेच त्यांनी डहाणू विधानसभा मतदारसंघाचे संघटक म्हणून धोडी यांनी काम केले आहे. कुटुंबीयांनी धोडी यांचे अपहरण झाले असून काही संशयितांची चौकशी करण्याची मागणी केली आहे.

अशोक धोडी यांच्या पत्नीने याबाबत सांगितले की, माझे पती अशोक धोडी हे 19 जानेवारी रोजी मुंबईला गेले होते. त्यानंतर ते सोमवारी रात्री उशिरा डहाणूवरून (Dahanu) गाडी घेऊन घोलवड-बोर्डी या रस्त्याने घरी येत होते. मात्र, त्यांचे रस्त्यात कोणीतरी अपहरण केल्याची माहिती आम्हाला मिळाली आहे. त्यानंतर आम्ही पोलिस ठाण्यात बेपत्ता झाल्याची तक्रार नोंदवली आहे. मात्र, त्यांचा अजूनही शोध लागलेला नाही. अशोक धोडी यांच्या पत्नीने काही लोकांवर संशय व्यक्त करताना त्यांना चौकशीसाठी ताब्यात घेतल्यास या प्रकारचा उलगडा होईल, असा दावाही केला आहे.

Eknath Shinde-Ashok Dhodi
Sharad Pawar : उद्धव ठाकरेंचा शरद पवारांना फोन; केली ‘ही’ विनंती...

अशोक धोडी यांच्या मुलाने सांगितले की, आम्ही 22 जानेवारी रोजी वडिल बेपत्ता झाल्याची तक्रार नोंदवली आहे. माझ्या आईने हा लोकांवर संशयही व्यक्त केला आहे. पण, पोलिसांकडून त्यांची अजून साधी चौकशीसुद्धा करण्यात आलेली नाही.

माझे वडिल 20 तारखेला डहाणूवरून घरी येत असताना बोर्डी ते घोलवड या मार्गात हेलदिड घाटात त्यांचे अपहरण झाल्याची माहिती आम्हाला मिळाली आहे. या मार्गाने वडिल कधीच आले नाहीत, त्या मार्गाने ते 20 जानेवारी घरी येत होते. त्या दिवशी ते खूप वेगाने गाडी चालवत गेल्याचीही माहिती मिळाली आहे. त्यांचे अपहरण झाल्याचा आमचा संशय आहे. पोलिसांनी संबंधितांना ताब्यात घेऊन चौकशी करावी, अशी मागणीही धोडी यांच्या मुलाने केली आहे.

Eknath Shinde-Ashok Dhodi
Guardian Minister Dispute : दिल्लीतून दबाव आणून पालकमंत्रिपदाच्या नियुक्तीस स्थगिती देण्यात आली; शिवसेना नेत्याचा गौप्यस्फोट

त्या गोष्टीमुळे अपहरणाच्या आरोपाला बळकटी

दरम्यान, अशोक धोडी यांच्या मोटारीच्या काचा डोंगरीजवळ आढळून आल्याची माहिती पोलिसांनी दिली आहे, त्यामुळे कुटुंबाने केलेल्या अपहरणाच्या आरोपाला बळकटी मिळत आहे. धोडी यांच्या बेपत्ता होण्यावरून अनेक तर्क-वितर्क व्यक्त होऊ लागले आहेत. धोडी यांच्या गायब होण्यामागे राजकीय कारण आहे का, हेही पोलिसांकडून तपासले जात आहे.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com