Supreme Court Hearing On Mashal Symbol: राज्य विधीमंडळाचे अधिवेशन आजपासून (१७ जुलै) सुरु होत आहे. तर दुसरीकडे ठाकरे गटाला निवडणूक आयोगाने दिलेल्या मशाल चिन्हावर सर्वोच्च न्यायालयात आज महत्वपूर्ण सुनावणी होणार आहे.
सत्तासंघर्षाच्या दरम्यान निवडणूक आयोगाने शिंदे गटाला धनुष्यबाणाचे चिन्ह दिले तर ठाकरे गटाला मशाल चिन्ह देण्यात आले. २००४ मध्येत समता पक्षाची राज्यातली मान्यता काढण्यात आली होती. त्यानंतर शिवसेनेत फूट पडल्यानंतर निवडणूक आयोगानं ठाकरेंच्या शिवसेनेला मशाल चिन्हं दिलं. पण समता पार्टीने यावर आक्षेप घेत सर्वोच्च न्यायालयात धाव घेतली.
आयोगाच्या या निर्णयानंतर उद्धव ठाकरेंसमोर मोठा पेचप्रसंग निर्माण झाला. शिवसेना उद्धव बाळासाहेब ठाकरे पक्षाला मिळालेल्या 'धगधगती मशाल' चिन्हावर समता पार्टीनेही दावा केला आहे. १९९६ पासून हे चिन्ह आपल्याकडे असल्याचा दावा समता पक्षाने केला आहे. समता पक्षाने यापूर्वी उच्च न्यायालायने याचिका केली होती. पण त्यांची याचिका फेटाळून लावली.
त्यानंतर समता पक्षाने थेट सर्वोच्च न्यायालयात धाव घेतली. यावर आज (१७ जुलै) सुनावणी होणार आहे.त्यामुळे या सुनावणीत नेमकं काय होणार, याकडे ठाकरे गटाच्या नेत्यांसह शिवसैनिकांचं लक्ष लागलं आहे.
निवडणूक आयोगानुसार, शिवसेना उद्धव बाळासाहेब ठाकरे पक्षाला मिळाले 'मशाल' हे चिन्ह अंतरिम नाही. अंधेरी पोटनिवडणुकीनंतर त्याच्या चिन्हाबाबत पुर्नविचार केला जाऊ शकतो, अस निवडणूक आयोगाने समता पक्षाला सांहितलं होतं. पण त्यानंतरही समता पक्षाने कोर्टात धाव घेतली आहे.
Edited By- Anuradha Dhawade
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.