Mumbai News : राज्यभरातील महापालिका निवडणुकीची मतमोजणी शुक्रवारी झाली. या निवडणुकीतील विजयानंतर अनेकांनी एकच जल्लोष केला. काही ठिकाणी धक्कादायक निकाल लागले. त्यामुळे कही ख़ुशी कही गम असे वातावरण आहे. त्यातच उपमुख्यमंत्री एकनाथ शिंदे यांचा बाल्लेकिल्ला असलेल्या ठाण्यातील त्यांचा 'शुभदिप' बंगला ज्या प्रभागात आहे, शिंदे स्वत: ज्या प्रभागात राहतात. त्याठिकाणच्या शिंदेंच्या शिवसेनेच्या माजी महापौर आणि पाच टर्म नगरसेवक राहिलेल्या उमेदवाराचा पराभव करीत उद्धव ठाकरेंच्या शिवसेनेच्या जायंट किलरचा मातोश्रीवर सन्मान करण्यात आला. हा पराभव शिंदेंच्या शिवसेनेच्या जिव्हारी लागला आहे.
उपमुख्यमंत्री एकनाथ शिंदे यांच्या ठाण्यातील बालेकिल्ल्यात त्यांच्या शिवसेनेला मोठे यश मिळाले आहे. त्यामुळे एकीकडे जल्लोष करण्यात आला. याठिकाणी शिंदे यांची ताकद असल्याचे लोकसभा आणि विधानसभा निवडणुकीत पुढे आले आहे. या तीनही निवडणुकीत उद्धव ठाकरे यांच्या शिवसेनेला ठाण्यात अपेक्षित यश मिळाले नाही. यावेळेस झालेल्या महापालिका निवडणुकीत ठाण्यात एका प्रभागात धक्कदायक पराभव स्वीकारावा लागला आहे.
राज्याचे उपमुख्यमंत्री एकनाथ शिंदे (Eknath Shinde) यांचा 'शुभदिप' बंगला असलेल्या प्रभागात, शिंदे स्वत: राहतात असलेल्या परिसरात त्यांच्या उमेदवाराला पराभव स्वीकारावा लागला आहे. शिवसेनेच्या माजी महापौर आणि पाच टर्म नगरसेवक राहिलेल्या उमेदवार अशोक वैती पराभूत झाले आहेत. अशोक वैती यांचा पराभव ठाकरेंच्या शिवसेनेच्या शहाजी खुस्पे यांनी केला आहे. त्यामुळे या ठिकाणाचा हा विजय उद्धव ठाकरेंच्या शिवसेनेसाठी खास आहे.
ठाण्यातील प्रभाग क्रमांक 13 मध्ये झालेल्या या रोमहर्षक लढतीत उद्धव ठाकरेंच्या (Uddhav Thackeray) शिलेदाराने विजय मिळवला. हा प्रभाग काजूवाडी, वैतीवाडी, रामचंद्र नगर, साईनाथ नगर, ज्ञानेश्वर नगर अशा परिसराचा मिळून होते. या प्रभागात गेल्या 25 ते 30 वर्षांपासून अशोक वैती यांची ताकद आहे. त्यांचे तिथे प्राबल्य आहे. तसेच ठाण्याचे शिवसेचे दिवंगत जिल्हाप्रमुख आनंद दिघे यांचे ते निकटवर्तीय मानले जातात. तसेच ते एकनाथ शिंदे यांच्या जवळचे नेत्यांपैकी एक आहेत. ठाणे महापालिकेचे माजी महापौर, माजी सभागृह नेते आणि पक्षाचे ठाणे शहरप्रमुख आहे. असे असताना खुस्पे यांनी त्यांचा केला आहे.
ठाण्यातील पक्षसंघटनेला बळकट करणारा हा विजय आहे. शहाजी खुस्पे यांनी ही निवडणूक जिंकल्यामुळे राज्यभरात ते प्रसिद्धीच्या झोतात आले आहेत. खुस्पे यांचे सर्वत्र कौतुक होत आहे. खुस्पे यांनी रविवारी दुपारी थेट पक्षप्रमुख उद्धव ठाकरे यांची त्यांच्या 'मातोश्री' निवासस्थानी जावून भेट घेतली. यावेळी ठाकरेंनी त्यांची विचारपूस केली. तसेच उद्धव ठाकरे यांनी खुस्पे यांच्या पाठीवर शाबासकीची थाप दिली. निष्ठेची लढाई यापुढे अशीच लढत राहा, अशी सूचना उद्धव ठाकरे यांनी खुस्पे यांना दिली. या प्रभागातून शिवसेनेच्या पॅनलला कडवी झुंज देणारे संजय दळवी, वैशाली घाटवळ, अनिला हिंगे आणि त्यांचे पती अमोल हिंगे यांचेही ठाकरे यांनी कौतुक केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.