Ajit Pawar On Daund Firing : आमदार शंकर मांडेकरांच्या भावाला अटक, अजित पवारांनी स्पष्टच सांगितले 'महिलेला गोळी लागली...'

Daund Firing : राष्ट्रवादी काँग्रसचे आमदार शंकर मांडेकर यांचा भाऊ बाबासाहेब मांडेकर यांच्यासह तिघांना दौंड तालुक्यातील कला केंद्रात गोळीबार केल्याप्रकरणी अटक करण्यात आली आहे. कला केंद्रातील महिलेला गोळी लागल्याने ती जखमी झाल्याची चर्चा होती. मात्र, उपमुख्यमंत्री अजित पवार यांनी या घटनेवर प्रतिक्रिया देताना खरच गोळीबारात महिला जखमी झाली का? याचे स्पष्टीकरण दिले आहे.

अजित पवार म्हणाले, गोळीबाराच्या घटनेची माहिती मी एसपींकडून घेतली. महिलेला गोळी लागली नसल्याचे त्यांनी सांगितले. मी त्यांना म्हणालो नीट तपास करा तिला रुग्णालयात दाखल केले असेल. तर त्यांनी सांगितले की हवेत गोळीबार झाल्यावर ती महिला बेशुद्ध पडली होती. मात्र नंतर ती शुद्धीवर आली.

'या प्रकरणात कुठलाही हस्तक्षेप होऊ नका, अशा सूचना मी स्वतः एसपी गील यांना दिल्या आहेत. मी यांच्या संपर्कात आहे. तेथे बिडादार म्हणूनअ‍ॅडिशनल एसपी आहेत त्यांच्या संपर्कात आहेत. यामध्ये जी नावे निष्पण होतील त्यांना अटक करा. ती कोणीशीही संबंधित असली तरी.', असे देखील अजित पवार यांनी सांगितले.

पुढे बोलताना अजित पवार म्हणाले, 'तो शंकर मांडेकर यांचा सख्खा भाऊ नाही. तो चुलत भाऊ असण्याची शक्यता आहे. परंतु कोणीही असून द्या त्यांना अटक करण्यात आली आहे. त्याने हवेत गोळीबार का केला? त्याच्याकडे लायसन्स आहे का? या सर्व गोष्टी तपासात पुढे येतील. तसेच या प्रकरणात मकोका लावा, येवढ्या सूचना दिल्या आहेत.',

मी किर्तनात भाऊ कला केंद्रात...

शंकर मांडेकर म्हणाले, 'या प्रकरणात कोणीही दबाव आणणार नाही. पोलिस तपासत सगळ्या गोष्टी समोर येतील. माझा भाऊ समाजकार्य करतो. शेती पाहतो, वारकरी संप्रदायाच काम करतो. मी किर्तनात असतो पण माझा भाऊ कला केंद्रावर गेला खूपच शॉकिंग आहे. आपण कसं वागायचं हे ठरवलं पाहिजे, माझा भाऊ त्यांच्याबरोबर गेला हे चुकीच आहे. चुकीचं प्रायश्चित्त शासन त्याला देईल.'