Pune News : महापालिका निवडणुका तोंडावर आल्या आहेत. विधिमंडळाचे हिवाळी अधिवेशन पुढच्या आठवड्यात होत आहे. एक आठवड्याचे हे अधिवेशन संपल्यानंतर लगेचच महापालिका निवडणुकीची घोषणा होण्याची शक्यता आहे. जिल्हा परिषद व पंचायत समिती ऐवजी दुसऱ्या टप्यात महापालिकेच्या निवडणुका होणार आहेत. त्यामुळे एकीकडे उत्सुकता शिगेला पोहचली असतानाच या निवडणुकीच्या तोंडावरच पुण्यात भाजप, राष्ट्रवादी काँग्रेसला मोठा धक्का बसला आहे. या पक्षातील बड्या नेत्यांनी व पक्षातील कार्यकर्त्यांनी आणि पदाधिकाऱ्यांनी मुंबईत मातोश्रीवर जाऊन माजी मुख्यमंत्री उद्धव ठाकरेंच्या उपस्थित शिवसेनेत एंट्री केली. त्यामुळे हा दोन्ही पक्षासाठी धक्का मानला जात आहे.
आगामी निवडणुकांच्या पार्श्वभूमीवर राज्यातील वातावरण चांगलेच तापले आहे. विशेषतः पुण्यात राजकीय घडामोडींना वेग आला आहे. भाजप, राष्ट्रवादीच्या कार्यकर्ते आणि पदाधिकाऱ्यांनी पक्षाची साथ सोडली आहे. त्यांनी स्थानिक स्वराज्य संस्थांच्या निवडणुकांच्या पार्श्वभूमीवर उद्धव ठाकरेंच्या शिवसेनेत (shivsena) प्रवेश केला. त्यामध्ये राष्ट्रवादी काँग्रेसचे माजी नगरसेवक सुनील गोगले यांनीही शिवबंधन हाती बांधले आहे.
शिवसेना पक्षप्रमुख उद्धव ठाकरे यांच्या मातोश्री निवासस्थानावर शनिवारी प्रमुख नेत्यांच्या उपस्थित पक्षप्रवेश सोहळा पार पडला. यावेळी राष्ट्रवादी काँग्रेसचे माजी नगरसेवक सुनील गोगले, भाजप (BJP) माथाडी पुणे शहराध्यक्ष अक्षय भोसले आणि मातंग एकता आंदोलनाच्या आरती मिसाळ यांनी ठाकरेंच्या शिवसेनेत एंट्री केली आहे. या नेत्याच्या प्रवेशाने येत्या काळात पुण्यातील राजकीय समीकरण बदलणार आहे.
यावेळी मातोश्रीवर झालेल्या छोटेखानी कार्यक्रमात क्रांतीवीर झोपडपट्टी संघटनेचे संस्थापक अध्यक्ष राजेश परदेशी' छावा स्वराज्य सेनेचे संस्थापक अध्यक्ष राम घायतिडक यांनीही ठाकरेंच्या शिवसेनेत पक्षप्रवेश केला. शिवसेनेचे पक्षप्रमुख उद्धव ठाकरे यांनी नेत्यांच्या हाती शिवबंधंन बांधून त्यांचे पक्षात स्वागत केले.
आगामी स्थानिक स्वराज्य संस्थांच्या निवडणुकांच्या पार्श्वभूमीवर हा पक्षप्रवेश ठाकरेंच्या शिवसेनेच्या दृष्टीने महत्त्वाचा मानला जात आहे. गेल्या चार-पाच दिवसापासून उद्धव ठाकरेंच्या शिवसेनेत मोठ्या प्रमाणात इनकमिंग होत आहे. विशेष बाब म्हणजे हे प्रवेश सत्ताधारी महायुतीमधील भाजप, एकनाथ शिंदे यांची शिवसेना व अजित पवार यांच्या राष्ट्रवादी काँग्रेसमधून होत आहेत. त्यामुळे उत्सुकता आणखीन वाढली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.