Raj Thackeray : राज ठाकरे चिडले; मनसे पदाधिकाऱ्यांची तीन दिवसांत झटपट कामगिरी, आता भेटीची तयारी

Pune News : आगामी स्थानिक स्वराज्य संस्थांच्या निवडणुकीच्या पार्श्वभूमीवर मनसे अध्यक्ष राज ठाकरे हे दोन दिवसापूर्वी पुणे दौऱ्यावर आले होते. या दौऱ्यामध्ये राज ठाकरेंच्या उपस्थितीमध्ये विभागनिहाय बैठका आणि आगामी महापालिका निवडणुकीच्या रणनीतीवर वरिष्ठ पदाधिकाऱ्यांशी चर्चा करणार होते. मात्र, गेल्या बैठकीत सांगितलेली कामगिरी पदाधिकाऱ्यांनी न बजावल्यामुळे राज ठाकरे चिडून पदाधिकाऱ्यांची खरडपट्टी काढली. त्यानंतर नाराज राज ठाकरेंनी बैठका आटोपती घेत बैठक स्थळावरून निघून गेले.

ऑगस्टमध्ये मनसे अध्यक्ष राज ठाकरे यांनी पुण्यामध्ये येत बैठक घेतली होती. या बैठकीत दरम्यान त्यांनी पदाधिकाऱ्यांना विभागनिहाय मतदार याद्या तयार करण्याच्या आणि त्यावर पदाधिकारी नेमण्याच्या सूचना दिल्या होत्या. मतदार यादीतील होणारा घोळ समोर आणण्यासाठी तसेच मत चोरी टाळण्यासाठी या सूचना त्यांनी केल्या होत्या.

मात्र, दोन दिवसापूर्वी झालेल्या बैठकीदरम्यान राज ठाकरे यांनी या याद्यांबाबत पदाधिकाऱ्यांना विचारणा केली असता कोणत्याही पदाधिकाऱ्यांनी या याद्या आणल्या नसल्याचे राज ठाकरे यांच्या निदर्शनास आले त्यानंतर राज ठाकरे यांनी याबाबत प्रचंड संताप व्यक्त केला.

तसंच काही कार्यकर्त्यांना आणि पदाधिकाऱ्यांना बाहेर जाण्याच्या सूचना केल्या. तसेच वरिष्ठ पदाधिकाऱ्यांच्या कडक शब्दांमध्ये कान उघडणी देखील केली. इतक्या दिवसात याद्या का तयार झाले नाहीत काम जमत नसतील तर पद सोडा राज ठाकरे यांनी पदाधिकाऱ्यांना सुनावलं, तसेच जे दिलेला जबाबदारी पूर्ण करत नाहीत त्यांना पदमुक्त करा, असं देखील राज ठाकरे म्हणाले होते.

या दौऱ्या दरम्यान अनेकांशी राज ठाकरे न बोलताच निघून गेले. यामुळे मनसे पदाधिकारी आणि स्थानिक नेत्यांनी त्याच दिवसापासूनच राज ठाकरे यांनी केले केलेल्या सूचनेनुसार पदाधिकाऱ्यांची नेमणूक करण्यात आली. दिवसाची रात्र करून तीन दिवसांमध्ये राज ठाकरे यांनी सांगितल्याप्रमाणे विभागनिहाय मतदार याद्यांची विभागणी करण्यात आली. तसेच प्रत्येक मतदार यादीवर दोन पदाधिकारी देखील नेमण्यात आले.

या पदाधिकाऱ्यांवर निवडणूक होईपर्यंत या मतदार यादींची जबाबदारी असणार आहे. या मतदार याद्यांमध्ये कुठलं दुबार मतदान तर नाही ना कुठलं बोगस वोटिंग होत नाही ना यासोबतच मतदार यादीतील नागरिकांची संपर्क साधून पक्षाची ध्येय धोरण सांगण्याची जबाबदारी असणार आहे.

तातडीने पूर्ण पक्ष संघटन कामाला लावून राज ठाकरेंनी सांगितल्याप्रमाणे आता याद्या तयार केले आहेत. या याद्या घेऊन वरिष्ठ मनसे पदाधिकारी उद्या सोमवारी राज ठाकरे यांची मुंबई येथील निवासस्थानी जाऊन भेट घेणार आहेत. मात्र, नाराज झालेले राज ठाकरे पदाधिकाऱ्यांना भेटणार का? हे पाहणं महत्त्वाचं ठरणार आहे.