Mumbai News : उपमुख्यमंत्री एकनाथ शिंदे गेल्या महिनाभरात तिसऱ्यांदा दिल्ली दौऱ्यावर आहेत. त्यामुळे दिल्ल्लीत मोठ्या राजकीय घडामोडी घडत असल्याने सर्वांचे लक्ष त्याकडे लागले आहे. उपमुख्यमंत्री शिंदे गेल्या काही दिवसापासून नाराज असल्याची चर्चा राजकीय वर्तुळामध्ये रंगली आहे. इतकेच नव्हे, तर उपमुख्यमंत्री शिंदे यांच्या मुंबई ते दिल्ली वाढलेल्या गाठीभेटी सुद्धा यामध्ये चर्चा वाढवणाऱ्या ठरत असतानाच आता बुधवारी दुपारी एकनाथ शिंदे यांनी केंद्रीय गृहमंत्री अमित शाह यांची संसद भवनात सुमारे अर्धा तास भेट घेतली.
यावेळी एकनाथ शिंदे यांनी आपल्या सर्व खासदारांसह शाह यांची भेट घेतली. या भेटीनंतर राजकीय वर्तुळात चर्चेला उधाण आले असतानाच या भेटीवर एकनाथ शिंदे यांची पहिली प्रतिक्रिया समोर आली आहे. त्यामध्ये त्यांनी भेटीचे नेमके कारण सांगितले आहे.
या भेटीनंतर प्रसार माध्यमाशी बोलताना एकनाथ शिंदे म्हणाले, ‘शिवसेनेच्या सर्व खासदारांसोबत मी गृहमंत्री अमित शाह (Amit Shah) यांची भेट घेतली. ही सदिच्छा भेट होती. खासदारांचे देखील काही विषय होते, ते या भेटीदरम्याान मी मांडले. मागच्या आठवड्यात देखील मी आलो होतो. त्यावेळी मी अमित शाह यांना भेटलो नव्हतो. त्यामुळे बुधवारी सर्व खासदारासोबत त्यांची सदिच्छा भेट घेतली. यावेळी खासदारांसदर्भातील काही विषय होते, ते ही मांडले, असल्याचे त्यांनी स्पष्ट केले.
संसद भवनात मी शाह यांची जाहीरपणे भेटत घेतली आहे. खासदारांसोबत भेटत जे काही विकासात्मक प्रकल्प आहेत, केंद्र आणि राज्य सरकाराचे मिळून प्रकल्प सुरू आहेत, अशा प्रकल्पांसंदर्भात देखील या भेटीमध्ये चर्चा झाली. दिल्लीमध्ये संसदेचे अधिवेशन सुरू आहे, मी लपून छपून काही काम करत नाही. मी जे करतो ते सगळ्यांच्या समोर करतो,’ असेही एकनाथ शिंदे (Eknath shinde) म्हणाले.
बुधवारी दुपारी केंद्रीयमंत्री अमित शाह यांची त्यांनी संसद भवन कार्यालयात भेट घेतली. या भेटीवेळी दोघांमध्ये राज्यातील राजकारणाविषयी अर्धा तास चर्चा झाली असल्याचे समजते. संसद भवन कार्यालयात त्यांनी ही भेट घेतली. यावेळी शिवसेनेच्या प्रमुख नेत्यासह खासदारदेखील उपस्थित होते.
शिंदे घेणार पीएम मोदींचीही भेट
मंगळवारी रात्री एकनाथ शिंदे दिल्लीत आले होते. त्यांनी केंद्रीय मंत्री अमित शाह यांची भेट घेतली. त्यानंतर आपल्या या दिल्ली दौऱ्यामध्ये त्यांच्या काही महत्त्वाच्या नेत्यांसोबत भेटीगाठी सुरू आहेत. काहीवेळातच ते पंतप्रधान नरेंद्र मोदी यांची देखील भेट घेणार आहेत. त्यामुळे सर्वांचे त्या भेटीकडे लक्ष लागले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.