gondiya news : महाराष्ट्रात गाजत असलेल्या भोंदूबाबा अशोक खरात प्रकरणाने राजकीय वर्तुळात मोठी खळबळ उडाली आहे. विरोधकांकडून राज्य सरकारच्या कारभारावर सडकून टीका केली जात आहे. त्यातच भोंदूबाबा असलेल्या अशोक खरात यांच्या समवेतचे अनेक राजकीय नेत्यांचे फोटो असल्याचे समोर आले आहेत तर दुसरीकडे महिला आयोगाच्या अध्यक्षा रुपाली चाकणकर यांनी पाद्यपूजन केले असल्याचे समोर आले आहे. त्यामुळे चाकणकर यांच्या राजीनाम्याची मागणी केली जात असतानाच राष्ट्रवादी काँग्रेसचे ज्येष्ठ नेते आणि खासदार प्रफुल पटेल यांनी शुक्रवारी सकाळी याबाबत राष्ट्रवादी म्हणून संबंधित असलेल्या नेत्यावर योग्य कारवाई करणार असल्याचे म्हटले होते. मात्र, आता गोंदियात पोहचताच या विधानावरून युटर्न घेतला आहे.
गोंदिया येथे माध्यमांशी बोलत असताना अशोक खरात प्रकरणावरून सवाल उपस्थित केल्यानंतर राष्ट्रवादी काँग्रेसचे ज्येष्ठ नेते आणि खासदार प्रफुल पटेल यांनी अखेर मौन सोडले आहे. कोणाचे फोटो कोणासोबत आहेत, यावरून एखादी व्यक्ती दोषी ठरत नाही; मात्र तपासातून जे सत्य समोर येईल, त्यानुसार योग्य कारवाई केली जाईल, असे स्पष्ट करत प्रफुल पटेल यांनी पक्षाची भूमिका मांडली.
त्यापूर्वी शुक्रवारी सकाळी बोलताना अशोक खरात यांच्यावर कारवाई झालीच पाहिजे. तसेच त्यांच्या सोबत या कामात जे राहिले असेल तर निश्चित त्यांची नावे चौकशीत समोर येतील त्यांच्यावरही तातडीने आणि सक्तीने कारवाई केली गेली पाहिजे. काही राजकीय नेत्यांचा नाव त्यांच्याशी जोडलं गेलं आहे. नक्की आम्ही राष्ट्रवादी म्हणून योग्य कारवाई करणार आणि तुम्हाला या एक दोन दिवसात ते दिसेल, असे म्हणत पटेल यांनी चाकणकरांवर कारवाईचे संकेत दिले होते.
गोंदियात पोहचताच या विधानावरून त्यांनी युटर्न घेतला आहे. त्यामुळे आता काय कारवाई केली जाणार याकडे सर्वांचे लक्ष लागले आहे. दरम्यान अशोक खरात प्रकरणात गंभीर आरोप झाले आहेत तर राजीनाम्यासाठी दबाव वाढत असल्याने शुक्रवारी सायंकाळी रुपाली चाकणकरांनी थेट DGP सदानंद दातेंची भेट घेतली आहे.
त्यांनतर लवकरच या विषयावर महिला आयोगाच्या अध्यक्षा रुपाली चाकणकर पत्रकार परिषद घेत बाजू मांडणार आहेत. त्यामुळे त्या काय खुलासा करणार याकडे सर्वांचे लक्ष लागले आहे. शुक्रवारी दिवसभर त्या मुंबईत होत्या. यावेळी त्यांनी अनेक नेत्यांची भेट घेतली असल्याचे समजते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.