Mumbai News : राज्यभरात होत असलेल्या महापालिका निवडणुकीत पहिल्यांदाच 70 उमेदवार बिनविरोध निवडून आले आहेत. एवढ्या मोठ्या प्रमाणात बिनविरोध उमेदवार निवडून येण्याची ही पहिलीच वेळ आहे. त्यामुळे सत्ताधारी मंडळींवर विरोधकाकडून मोठ्या प्रमाणात टीका केली जात आहे. त्यातच आता मनसेने राज्यभरातील भाजपच्या बिनविरोध पॅटर्नचा पर्दाफाश करण्याचे ठरवले आहे. त्यासाठी आवश्यक असलेले कॉल रेकॉर्ड, व्हिडिओ व अनेक महत्त्वाचे पुरावे जनतेसमोर आणत राज ठाकरेंच्या पुन्हा 'लाव रे तो व्हिडिओ'च्या माध्यमातून पोलखोल करणार आहेत.
मनसेचे प्रमुख राज ठाकरे (Raj Thackeray) यांनी भाजपच्या बिनविरोध पॅटर्नवर सडकून टीका केली. माझ्या उभ्या आयुष्यात अशी निवडणूक कधी मी पाहिली नाही. बाळासाहेब ठाकरेंसोबत अनेक निवडणुका पाहिल्या, पण अशी निवडणूक जी इतक्या उमेदवारांना बिनविरोध करते. ही परिस्थिती पहिल्यांदाच मी पाहतोय, असे राज ठाकरे म्हणाले. त्यामुळेच आता आगामी काळात होत असलेल्या सभामधून राज ठाकरे पोलखोल करणार आहेत.
राज्यातील 29 महापालिका निवडणुकीत 70 बिनविरोध निवडून उमेदवारांची सध्या राज्यभर जोरदार चर्चा सुरू आहे. त्यामध्ये, त्यामध्ये सर्वाधिक 44 जण भाजपचेच आहेत. दबाव, पैशाचे आमिष दाखवून उमेदवारांना निवडणुकीतून माघार घ्यायला लावल्याचा आरोप केला जात आहे. विशेष म्हणजे ठाण्यात मनसेच्या एका उमेदवारानेही निवडणुकीतून माघार घेतल्याने मनसैनिकांना हा मोठा धक्का आहे.
राज ठाकरे आगामी प्रचार संभांमधून कॉल रेकॉर्ड आणि व्हिडिओच्या माध्यमातून अनेक महत्त्वाचे पुरावे जनतेसमोर आणणार आहेत. कारण, राज ठाकरे यांच्याकडे ठाणे आणि कल्याण डोंबिवलतील नेत्यांनी हे पुरावे सुपूर्द केले असल्याची माहिती आहे. तसेच, महानगरपालिकेच्या निवडणुकीत बिनविरोध निवडून आलेल्या प्रकरणी राज ठाकरेंच्या नेतृत्वात मनसे (MNS) आक्रमक झाली आहे. या सगळ्याप्रकरणी येत्या सोमवारी मनसे बिनविरोध उमेदवार आणि त्यांच्या जागांबाबत कोर्टात जाणार आहे.
सोमवारी या सगळ्या प्रकरणी मनसेचे प्रमुख नेते राज्य निवडणूक आयुक्तांची भेटही घेणार आहेत. राज्यातील महापालिका निवडणुकांसाठी मतदान होण्यास अवघे 12 दिवस शिल्लक आहेत आणि निकाल जाहीर व्हायला 13 दिवस बाकी आहेत. मात्र, या निवडणुकांआधीच राज्यभरात एकूण 70 उमेदवारांची नगरसेवकपदी बिनविरोध निवड झाल्याने अनेकांच्या भुवया उंचावल्या आहेत. त्यामध्ये सर्वाधिक 44 बिनविरोध नगरसेवक भाजपचे आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.