Solapur, 11 August : रायगडचे पालकमंत्रिपद हा आता महायुतीमध्ये प्रतिष्ठेचा प्रश्न बनला आहे, त्यामुळेच शिवसेना आणि राष्ट्रवादी काँग्रेस पक्ष माघार घ्यायला तयार नाहीत. दोन्ही पक्षांकडून रायगडच्या पालकमंत्रिपदावरील दावा सोडला जात नाही, त्यातून दोन्ही पक्षांच्या नेत्यांमध्ये अधूनमधून संघर्ष होत आहे. स्वातंत्र्य दिनाच्या पार्श्वभूमीवर शिवसेना आक्रमक झाली आहे. युवा सेनेच्या सोलापुरातील पदाधिकाऱ्याने स्वतःच्या रक्ताने थेट उपमुख्यमंत्री एकनाथ शिंदे यांना पत्र लिहून रोजगार हमी योजना मंत्री भरत गोगावले यांना रायगडचे पालकमंत्री करण्यात यावे, असे साकडे घातले आहे.
युवा सेनेचे सोलापूर शहर सचिव तथा भरतशेठ गोगावले (Bharat Gogawale ) युवा प्रतिष्ठानचे समर्थ बिराजदार यांनी स्वतःच्या रक्ताने उपमुख्यमंत्री एकनाथ शिंदे यांना पत्र लिहून गोगावले यांना पालकमंत्री करण्याची मागणी करण्यात आली आहे. तसेच, मुख्यमंत्री देवेंद्र फडणवीस यांनाही याबाबत साकडे घालण्यात आले आहे. त्यामुळे रायगडचे पालकमंत्रिपद कोणाकडे जाते, याची उत्सुकता वाढली आहे.
बिराजदार म्हणाले, महाराष्ट्राचे उपमुख्यमंत्री एकनाथ शिंदे (Eknath Shinde) यांना आमची कळकळीची विनंती आहे की, येत्या पंधरा ऑंगस्ट रोजी भरत गोगावले यांना रायगडचे पालकमंत्री जाहीर करण्यात यावे. गोगावले यांना पालकमंत्री जाहीर करून सर्व शिवसैनिकांची इच्छा पूर्ण करावी. आज मी स्वतःच्या रक्ताने उपमुख्यमंत्री एकनाथ शिंदे यांना पत्र लिहिले आहे.
भरत गोगावले यांना पालकमंत्री करण्यासाठी आज मी एकट्याने स्वतःच्या रक्ताने पत्र लिहिले आहे. पंधरा ऑगस्टपर्यंत गोगावले यांना रायगडचे पालकमंत्रिपद (Raigad guardian minister) जाहीर न झाल्यास आगामी काळात राज्यभरातून रक्ताने लिहिलेली हजारो पत्रे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांना मिळतील. याबाबतची दक्षता मुख्यमंत्री फडणवीस आणि उपमुख्यमंत्री एकनाथ शिंदे यांनी घ्यावी, असे आवाहनही युवा सेनेचे जिल्हा सचिव समर्थ बिराजदार यांनी केले आहे.
उपमुख्यमंत्री एकनाथ शिंदे यांच्या पाठीशी उभे राहत शिवसेना वाढविण्याचे काम मंत्री भरत गोगावले यांनी केले आहे. शिवसेना पक्षातील ते वरिष्ठ आमदार आहेत. रायगडमध्ये शिवसेनेचे आमदार जास्त आहेत, त्यामुळे भरत गोगावले यांना रायगडचे पालकमंत्री बनवून न्याय द्यावा, अशी मागणी बिराजदार यांनी केले आहे.
गोगावलेंच्या पदरी पुन्हा निराशा
दरम्यान, स्वातंत्र्य दिनाच्या पार्श्वभूमीवर राज्य सरकारकडून कोणत्या जिल्ह्यात कोणता मंत्री ध्वजवंदन करणार याची यादी जाहीर करण्यात आली आहे. त्यात रागयडमध्ये महिला व बालविकास मंत्री आदिती तटकरे यांच्या हस्ते ध्वजवंदन करण्यात येणार असल्याचे नमूद करण्यात आले आहे. त्यामुळे शिवसेनेचे भरत गोगावलेंच्या पदरी पुन्हा निराशा पडली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.