Mumbai News : राज्यातील स्थानिक स्वराज्य संस्थेच्या निवडणुका तोंडावर आली आहेत. या पार्श्वभूमीवर सर्वच पक्ष हे जोरदार तयारी करीत आहेत. हिंदी सक्तीच्या विरोधात राज व उद्धव ठाकरे हे दोन बंधू एकत्र आले आहेत. त्यानंतर आता महापालिका निवडणुकीसाठी मनसे-उद्धव ठाकरे यांच्या युतीकडे सर्वांचे लक्ष लागले असतानाच मुंबईतील रंगशारदा या ठिकाणी एक मनसेचा पदाधिकारी मेळावा पार पडला. यावेळी मनसेचे प्रमुख राज ठाकरे यांनी युतीबाबत मोठे विधान केले आहे.
मुंबईतील रंगशारदा येथील मसनेच्या मेळाव्याप्रसंगी राज ठाकरेंनी (Raj thackeray) पदाधिकाऱ्यांना महत्त्वपूर्ण सूचना केल्या आहेत. मराठी भाषेचा मुद्दा प्रत्येक घराघरात पोहोचवा, पण हिंदी भाषिकांचा द्वेष करू नका, असा महत्त्वाचा सल्ला राज ठाकरेंनी दिला आहे. त्यासोबतच '२० वर्षानंतर आम्ही भाऊ ऐकत येऊ शकतो तर युतीबाबत योग्यवेळी सूचना केल्या जातील, असे संकेत त्यांनी यावेळी दिले आहेत.
युतीबाबत योग्यवेळी बोलेन; आदेशाची वाट पाहा
यावेळी राज ठाकरेंनी शिवसेना ठाकरे गटासोबतच्या संभाव्य युतीबद्दलही भाष्य केले. “ठाकरेंच्या शिवसेनेसोबत काय करायचं ते माझ्यावर सोडा. मी युतीबाबत योग्यवेळी बोलेन, माझ्या आदेशाची वाट पाहा” असे राज ठाकरेंनी सांगितले. तसेच यंदा मनसे १०० टक्के महापालिका निवडणुकीत सत्तेवर येणार”, असेही राज ठाकरेंनी यावेळी म्हटले.
यावेळी राज ठाकरे यांनी मार्गदर्शन करताना मतदार यादीवर विशेष काम करा, महापालिका निवडणुकीच्या तयारीला लागा. मुंबई महापालिकेत आपलीच सत्ता येणार असल्याने आतापासूनच कामाला लागा, अशा सूचना त्यांनी केल्या आहेत. कार्यकर्त्यांनी हेवेदावे न करता काम करावे, अशा सूचना त्यांनी केल्या आहेत.
गटबाजीला थारा देऊ नका
मुंबईतील आपल्या वॉर्डमध्ये मनपा निवडणुकीसाठी कामाला लागावे. स्थानिक समस्यांवर लक्ष केंद्रित करा, तसेच ग्राउंडवर उतरून काम करण्याचे निर्देश राज ठाकरेंनी केल्या आहेत. कोणत्याही दबावाला बळी न पडता, पूर्ण आत्मविश्वासाने काम करा. पक्षामध्ये अंतर्गत हेवेदावे आणि गटबाजीला थारा देऊ नका. ज्या नव्या पदाधिकाऱ्यांच्या नियुक्त्या होतील, त्यांना स्वीकारून एकत्र काम करा. आपापसातले हेवेदावे संपवून निवडणुकीच्या कामाला लागा,” असे स्पष्ट निर्देश राज ठाकरेंनी दिले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.