Pune News : महायुती सरकारमधील मंत्री आणि शिवसेनेचे नेते भरत गोगावले यांनी उद्धव बाळासाहेब ठाकरे पक्षाचे पक्षप्रमुख उद्धव ठाकरे यांच्या पत्नी रश्मी ठाकरे यांच्यावर केलेल्या आरोपांमुळे राजकीय वर्तुळात मोठी खळबळ उडाली आहे. गोगावले यांनी रश्मी ठाकरे यांच्या हस्तक्षेपामुळेच शिवसेनेत फूट पडल्याचा गंभीर आरोप केला आहे. भरत गोगावले (Bharat Gogawale) यांच्या आरोपांनंतर आता शिवसेना उद्धव बाळासाहेब ठाकरे गटाचे नेते चांगलेच आक्रमक झाल्याचे पाहायला मिळत आहे.
पुण्यातील शिवसेना उद्धव बाळासाहेब ठाकरे गटाचे नेते वसंत मोरे यांनी देखील आता भरत गोगावले यांचा चांगला समाचार घेतला आहे. भरत गोगावले यांनी विधानसभा निवडणुकीपूर्वी अघोरी होम हवन केलं होतं असा दावा वसंत मोरे यांनी केला आहे.त्या दाखल त्यांनी काही व्हिडिओ देखील शेअर केले आहेत.
याबाबत बोलताना वसंत मोरे (Vasant More) म्हणाले, विधानसभा निवडणुकीपूर्वी 17 ऑक्टोबर 2024 ला मध्यप्रदेश मधील बागला मुखी उज्जैन येथे असलेल्या देवीच्या मंदिरातून भरत गोगावले यांनी काही पुजाऱ्यांना पाचरण केलं होतं. त्या पुजाऱ्यांच्या मार्फत घरामध्ये मोठी आघोरी पूजा घालण्यात आली.
ही अघोरी पूजा करण्यासाठी भरत गोगावले यांनी अकरा महाराजांना पाचरण केलं होतं. त्या अकरा महाराजांकडून घरामध्ये मोठी पूजा करून घेण्यात आली. तसेच त्या अकरा महाराजांची पूजा देखील गोगावले यांनी केला असल्याचा आरोप वसंत मोरे यांनी केला आहे.
त्यामुळे आता आम्ही भरतशेठ गोगावले यांच्याविरुद्ध अंधश्रद्धा निर्मूलन समितीमध्ये तक्रार करणार आहोत. जर तुमचा तुमच्या कामावर विश्वास नाही का ? विश्वास असेल तर अशा अघोरी पूजा का केली? असा सवाल देखील यावेळी वसंत मोरे यांनी उपस्थित केला आहे.
पुढे वसंत मोरे म्हणाले, अघोरी पूजा करण्यासाठी ओम फट स्वाहा जे करतात त्यांना आणलं जातं. महाराष्ट्रातले अनेक नेते तिथे जातात तब्बल 15 लाख रुपये एका पूजेला लागतात असा', आरोप सुद्धा वसंत मोरे यांनी केला आहे.
विधानसभा निवडणूक 20 नोव्हेंबर रोजी होती, त्यापूर्वी 1 महिना भरत गोगावले यांनी त्यांच्या घरात ही पूजा घातल्या गेली होती. आता अशा पूजा जर होणार असतील तर आम्ही याबद्दल अंधश्रद्धा निर्मूलन समितीला याबाबत तक्रार करणार आहोत असं वसंत मोरे म्हणाले.
भरत गोगावले यांनी जी बगलामुखीची पूजा केली, ती अघोरी नाही, असा दावा अंधश्रद्धा निर्मूलन समितीनं केला आहे. याविषयी बोलताना अंधश्रद्धा निर्मूलन कार्याध्यक्ष मिलिंद देशमुख म्हणाले, अघोरी पूजेमध्ये एखाद्याचा बळी देणे, लिंबू ,टाचण्या, यांचा समावेश असतो. तसेच ही अघोरी पूजा ही स्मशानात केली जाते, मंदिरात नाही. हे सर्व प्रकार करणं, कायद्यानं गुन्हा आहे. मात्र, देवीचा होमहवन करणं याला अघोरी म्हणत नाहीत, ती देवीची उपासना आहे. जर वसंत मोरेंकडे अघोरी प्रकारांमधील काही पुरावे असतील, तर ते त्यांनी द्यावेत. होमहवन अघोरी प्रथांमध्ये येत नाही,असंही देशमुख यांनी स्पष्ट केले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.